سلام عليكم
 

حلمت
انه كنت في مكتب مديري كان عندو ناس وكان عندو اجتماع وكان موجر غرفة لمدراسات وانا قاعدة في مكتبي اطالع على الصالة القى بنت عمي منى قاعدة وماشالت عيونها من علي قلت الله يستر من عيونها وقلت ايش اسوي عشان تشيل عينها وقلت خليني اكتب يمكن تشيل عيونها وبعدين جبت ورقة كتبت فيها الله يستر من عيونها برضو ماشالت عيونها وشفت رجال مليان جسمه شايل بريال عيش صامولي وداخل عند غرفة المدرسات قلت لوه عيب اول شي مايصير تدخل عليهم فجاة تاني شي والاهم دق باب وبعدين ادخل وفي رجال تاني كمان كان جايب عيش واول ماشافني قلت للرجال الاولاني كدا راح على طول المطبخ وحطهم هناك ودقيت باب على مديري لانه كان عندو اجتماع وفتحوه ودخلت عندهم مكتب وشفتهم مخلصين اجتماع ومديري قاعد على مكتب ويتكلم على جوالات في امبوالات صينية حقت الشعر كانت موجودة على طاولة بدات ارتبها واشيلها مديري قال ايمان خليها لاتشيلها وبعد ماخلص اتصال كنت بعطيه تقرير باللي حاصل قال لي تعالي وخرجنا برى المكتب قلت لوه عن رجال ابو العيش قال لي تمام اللي سويته وقلت لوه كمان كلمت المهندس اللي بيصلح اجهزة انه ياخذ قطع من اجهزة الخربانة عشان ماندفع فلوس قطع قال تمام قال لي مديري انا بكرة احتاجك من بدري قلت عادي بكرة ماعندي شي اتصل علي قبل ماتجيني 20 دقيقة عشان اتجهز ولمن بتجي بكون جاهزة اليوم معليش اتاخرت لانه رحت المستشفى وجبت ادوية دخلنا انا ومديري غرفة المدرسات هو طالع وراح وانا طلعت الاجهزة اللي كانت موجودة عندهم في غرفة طلعتها في صالة كان في اطفال ومهندس وبنت عمي لسع كانت قاعدة تطالع علي وشفت رجولي لقيت مني لابسة جزمتي استغربت وقلت فين نزلتها توي كنت لابستها ودخلت تاني عند غرفة المدرسات وقلت لهم قفلو الستاير والشبابيك عشان تنامو وقفلو شبابيك ولمن شفت لقيت مافي ستاير خربانة ومقطعة قلت كيف حتنامو في ايام اجازة حيصير شمس مرح تقدرو تنامو قلت انتو يوم خميس الساعة 4 العصر ترحو عند اهلكم مو صح قالو ايوة ساعات نروح الساعة 4 وساعات نتاخر على حسب قلت المهم في اجازة ترحو عند اهلكم ولا قالو ايوة نروح قالو ليش قلت عشان لو ماترحو اجيب ليكم ستارة قالو لا احنا نروح في ويكند عن اهلنا قلت طيب واتذكرت اني نزلت جزمتي في الصالة قلت خليني البسها لمن رحت الصالة ماحصلت لامهندس ولا اطفال ولا بنت عمي ولا جزمتي قلت اكيد بنت عمي رمت الجزمة وبعدين حصلتها جنب كنبة ولبستها وقلت خليني اشوف مهندس واطفال فين راحو اسمع صوت ازعاجهم بعدين طالعت من شباك مكتبي ورى مكتب كان كلو تراب وكان في باب مفتوح وجدار بطين وكان في بيت ورى باب استغربت وقلت ليش باب مفتوح ومين فتحه

رد: سلام عليكم
 

وعليكم السلام ورحمة الله وبركاته
أختي الفاضلة الكريمة Ms.emai26
يدل مجمل الحلم على
أن من أقاربكم مهتمين ومتابعين أخباركم وبعض خصوصياتكم
والله تعالى أعلى وأعلم