عباتي الضايعة
 

رأيت ياشيخ كأني في مكان مثل الجامعة او مناسبة في مكان وفيه ناس كثير . بعدين جا زوجي ياخذنا وطلعوا عيالي كلهم وانا ادور على عباتي وجزمتي وانت بكرامة . وادور ولا احصلها واحس الوقت طويل وانا ادور عليها والناس بدأوا يروحون . واقول كيف ماارسل زوجي احد من بناتي يشوف عني او يسأل عني . واحصل حرمة تطالعني وبنفس الوقت بنتي جات وهي تقول ماما وينك ؟ قلت عباتي وجزمتي ضايعه وانتم كيف كل هالوقت ماسألتم عني . بنفس الوقت الحرمة اللي شافتني قالت ماشاء الله جاكم خطاب لبنتك ؟ عرفت انا ان بنتي عجبتها . وفرحت قلت في نفسي يارب تخطب بنتي لان شكلها محترمه وبنت عز . قلت اي والله جانا كثير ( اقولها وانا متباهيه وابغى ابين لها انه اقاربنا يخطبون في بنتي وهذا دليل ان بنتي معروفه بأخلاقها ) قلت خطب عندنا خالي وبنا عمي والان خالي الثاني ولكن البنت رافضه الزواج وماتبغى من الاقارب . قالت طيب فيه ولد فلان ومدحت الولد بكلمة نسيتها . فهمت منها انه ولد يقرب لهم وانه كويس ماديا وحسيت انهم ناس كويسين . بعدين اشوف بنتي تقول ترا الان بتجي الشرطة . انا انصدمت وخفت . قلت شرطة ليش ؟ قالت انتي تأخرتي ماطلعتي وبابا بلغ الشرطة . انقهرت وتضايقت . قلت المفترض احد منكم يدخل يسأل عني أول . شوي الا واحد رجال يقول عندك هويات اولادك . تفاجأت فيه واقف قدامي لابس ثوب وشماغ ابيض . ادركت انه شرطي وانا مو لابسه عبايه ولا شي . في نفسي قلت كيف مايقول لي قبل يدخل . كان عندي طرحة لبست راسي وتغطيت بها . قلت اي عندي وتذكرت ان الشنطه ضايعه واشوف كان فيه ناس حريم وبنات جالسين على درج يطالعوني وبنتي معهم . كانهم ينتظرون يعرفون وش النهايه . طالعت في بنتي بينهم وكانت جميله وحاطة روج وراميه الطرحة على راسها وشعرها مفكوك وباين . قلت كيف كذا والحرمه والناس يشوفونها بهذي الطريقه . قربت منها قلت لبسي راسك كويس وغطي شعرك . هي ماعطتني اهتمام وطنشت . زعلت مره وعدت الكلام عليها وبرضه مطنشة . حلفت لو ماتتأدبين وتتحشمين انك منتي بنتي ولا اعرفك . برضه ماهي مباليه بكلامي . طلعت من باب وااشر لها تجي بعيد ع الناس . واسحبها من يدها . كنت غاايه في القهر والزعل . قلت يالله انقلعي روحي منتي بنتي . واشوف كنها بتبكي واختفت عني وانا رجعت ومتضايقه ومقهور واقول في نفسي ياهل ترى بترجع والا لا . واتخيل لو ماعاد احصل بنتي ؟ والناس بيقولون لو احتوت بنتها وتفاهمت معها احسن .. وانتهى الحلم

رد: عباتي الضايعة
 

أختي الفاضلة الكريمة أحلام
يدل مجمل الحلم على أن هناك عاىلة ما تفكر في خطبة إبنتك لإبنهم
وضياع العبائة والشرطة وخصومتك مع إبنتك يدل منها على حديث نفس ومنها أضغاث أحلام
والله تعالى أعلى وأعلم
——————————————————————————————————-
عَنْ أَبِي هُرَيْرَةَ عَنِ النَّبِيِّ صَلَّى اللَّه عَلَيْهِ وَسَلَّمَ قَال: (الرُّؤْيَا ثَلاثٌ : فَبُشْرَى مِنَ اللَّهِ ، وَحَدِيثُ النَّفْسِ ، وَتَخْوِيفٌ مِنَ الشَّيْطَانِ فَإِنْ رَأَى أَحَدُكُمْ رُؤْيَا تُعْجِبُهُ فَلْيَقُصَّ إِنْ شَاءَ وَإِنْ رَأَى شَيْئًا يَكْرَهُهُ فَلا يَقُصَّهُ عَلَى أَحَدٍ وَلْيَقُمْ يُصَلِّي ) صحيح سنن ابن ماجه 3154 .
.وهذه بعضا من الأحاديث الصحيحة التي فيها إرشاد إلى أدب الرائي تجاه ما يراه في منامه :

1- عن أبي قتادة قال : قَالَ النَّبِيُّ صَلَّى اللَّه عَلَيْهِ وَسَلَّمَ : ( الرُّؤْيَا الصَّالِحَةُ مِنَ اللَّهِ وَالْحُلُمُ مِنَ الشَّيْطَانِ فَإِذَا حَلَمَ أَحَدُكُمْ حُلُمًا يَخَافُهُ فَلْيَبْصُقْ عَنْ يَسَارِهِ وَلْيَتَعَوَّذْ بِاللَّهِ مِنْ شَرِّهَا فَإِنَّهَا لا تَضُرُّهُ ) رواه البخاري 3292 .
2- عَنْ أَبِي سَلَمَةَ قَالَ كُنْتُ أَرَى الرُّؤْيَا أُعْرَى مِنْهَا غَيْرَ أَنِّي لا أُزَمَّلُ حَتَّى لَقِيتُ أَبَا قَتَادَةَ فَذَكَرْتُ ذَلِكَ لَهُ فَقَالَ سَمِعْتُ رَسُولَ اللَّهِ صَلَّى اللَّه عَلَيْهِ وَسَلَّمَ يَقُولُ : ( الرُّؤْيَا مِنَ اللَّهِ وَالْحُلْمُ مِنَ الشَّيْطَانِ فَإِذَا حَلَمَ أَحَدُكُمْ حُلْمًا يَكْرَهُهُ فَلْيَنْفُثْ عَنْ يَسَارِهِ ثَلاثًا وَلْيَتَعَوَّذْ بِاللَّهِ مِنْ شَرِّهَا فَإِنَّهَا لَنْ تَضُرَّهُ ) رواه مسلم 2261.