موسوعة دراسات وأبحاث من الكتاب والسنة على منهج السلف الصالح

السلام عليكم
ارجووو تفسير حلمي جزاك الله خيرا

حلمت يوم الثلاثاء إني رايحة الجامعه أبغى أزور وأقابل صديقتي ريم
لما دخلت الجامعه كأنها جامعه غير جامعتنا وكأني انا في جامعه غير عن جامعتها هي جامعة فنون اما جامعتي في الحلم ما ادري (بس في الواقع كنا كلنا بنفس الجامعه ونفس القسم )المهم كأني جايتها ما عندي محاضره وجيت أسلم عليها ..
المهم دخلتني قاعه كأنها كافتريا وفيها بنات كثير كأنهم بنات دفعتها وكأنهم كانوا يعرفوني ويتبسمون ويضحكون لي وحتى انا اعرفهم كأني دائما أزورهم وماخذين علي (في الواقع صديقتي ريم معي من اول سنه جامعه
ولما جينا للسنه الثالثه تعرفت هي ع مجموعة بنات وعرفتني عليهم انا دخلت معهم لما جينا للسنه الرابعه تهاوشت مع هالمجموعه وماعاد صارت تجلس معهم , انا صرت اجلس معها شوي ومعهم شوي علشان ما اترك احد فيهم ,
في اخر السنه الرابعه تعرفت صديقتي ريم ع مجموعه بنات ثانيه وكانوا اكثر من المجموعه اللي قبل يمكن 11 بنت وعرفتني عليهم بس مادخلت معهم مره لان السنه خلصت ) اللي كانوا موجودين معنا ويتبسمون لي
هم المجموعه اللي هي تعرفت عليهم اخر السنه وعرفتني عليهم بس اشكالهم في الحلم غييير
المهم جلست معها فجأه حسيت اني جوعانه قلت يوه باروح آكل لا انحف ورحت أنا وياها عند اللي تبيع في نفس الكافتيريا واشوف دونات اشكال كثيره استغربت شي شكله مربع وشي نصف دائري كأنه فطائر مو دونات
وكانت كلها بالسكر مافيه بالشوكلاته , قلت يوه والله عندكم اشكال كثيره بس انا ابغي العاديه اللي ع شكل حلقه قلت للي تبيع هذي بإيش قالت هذي معجونه بزيت رشاد قالت صديقتي رشاد رشدان وتضحك
وانا ضحكت (رشاد رشدان اسم ممثل في مسلسل ) قلت انا اهم شي ابغاها تكوووون حالية يكون السكر فيها زياااااده مشتهيتها حلاها زايد وما اذكر اخذتها والا لا .
بعدها قلنا يالله بنطلع بنروح لبيتونا كان معنا بس شناطنا مابعد لبسنا عباياتنا ع اننا بنطلع ع ساااحه كبيره ومنها نطلع من باب كبير ع الشارع
المهم من دخلنا هالساحه الا فجأه صار الجو ليل وطافي الكهرب في هالساحه وفيها 3 سيارات ورا بعض فيهم رجال !
السياره الاولى كان فيها رجال اللي يسوق ونفس الشي السياره الثانيه كأنهم جايين ياخذون اخواتهم او اهلهم بس ليش داخلين هالساحه مدري ؟
المهم احنا انهبلنا قلنا وش دخل الرجال هنا في هالساحه وقاعدين نحاول نتغطى بشناطنا صديقتي كانت سيارتهم هي السياره الثالثه خلف السيارتين اللي فيها رجال ,
راحت تركض لها قالت لي انتي متى بيجي ابوك قلت ما عليك الحين بيجي وركبت وراحت , كنت خااااايفه وقلت في نفسي يوه راحت ما سألتها وين الوصف بعدين قلت لا ان شاء الله بأدبر نفسي ,
وبسرعه رجعت أدخل الجامعه وأشوفها نفس ماكانت يوم أطلع منها نهار والشمس طالعه استغربت
لقيت القاعه مدري الكافتيريا اللي كنت جالسه فيها مع صديقتي وصديقاتها مسكره بعدها رحت لأمامها كان فيه كرسين متقابلات
مو متاكده جلست او كنت بأجلس ع واحد من الكراسي كان جنبه حوض ازهار حلو ودقيت ع ابوي واقوله وينك كانه كان مضيع علشان كذا تاخر قلت له ترا انا في جامعة الاميره نوره اللي ع الدائري الشرقي
مو اللي عند المطار واقوله ان فيه ساحه ظلما ....... الخ قال خلاص الحين انا جاي (في الواقع كلها جامعه نوره بس اللي عند الدائري حقت السنة التحضيرية )
المهم وانا اكلم ابوي الا وحده جالسه ع الكرسي اللي قدامي تطالعني بنظرات غريبه طول ما انا اكلمه وعامه وانا في المكان كانوا البنات الموجودات يطالعوني نظرات غريبه
كأنهم عارفين اني غريبه عن هالجامعه ومو متقبليني ولاعاد شفت ولا وحده من البنات اللي اعرفهم حسيت اني ابغي اطلع من هالمكان بسرررررعه
جا ابوي وقالي اطلعي ورحت اركض للساحه اللي المفروض تطلع ع الباب الخارجي ولقيتها نفس الشي ليل ومقطوع عنها الكهرب اشوف اعمده الانوار بس مقطوعه الاضاءه ونفس الشي الشارع صاير موجود فيها مباشره
شفت ابوي وكان بلحاله مافيه سيارات ثانيه وكان خااايف وانا بعد كنت مررررررره خايفه ولما ركبت السياره مشي بسرررررعه وكان نمشي بسرعه كنت اخاف ننقلب عند المنعطفات
في احد المنعطفات واحنا مسرعين شفت سجاده صلاة ملفوفه بداخلها مفرشه الصلاة موجوده في نص الشارع قلت حرام ليش السجادة مرميه في الطريق وابوي مو منتبه لي كأن فكره مو معي
وطلعت يدي من الشباك والتقطتها ورميتها ع الرصيف اللي جنب الشارع قلت علشان ما احد يدوسها...

عمري 24 سنه
متخرجه
متزوجه عندي ولد عمره سنه ونصف
حاليا موجوده عند اهلي من 3 شهور بسبب مشكله ما اعرف وش سببها
زوجي كان بيجي ياخذني وفجأه ماجاء ولاعاد رد على اتصالاتي !

والله يوفقك ويسعدك ويجزاك بالخير