موسوعة دراسات وأبحاث من الكتاب والسنة على منهج السلف الصالح

السلام عليكم ورحمة الله وبركاته
أرجو تفسير رؤيا أمي جزاك الله خيرا..
سأذكر الرؤيا على لسانها ..

رأيت كأني كنت في بيتي وكان مدخله عبارة عن سيب طووويل وع جنب جدار حجر وبعده درج طويل ومرتفع
فجأة شفت أختي الكبيرة (هـ ) تصعد الدرج بعصاها قلت وش جابك الله يعافيك الحق لك المفروض أنا اللي أجيك
واقعدي خلاص لاتصعدين الدرج تعب عليك خلاص أنا بأجيك قالت لا أنا بأصعد لك
ولما وصلت كان فيه صالة في الوجه قعدت أتقهوى أنا وياها الا فجأة أشوف خاله ام زوج بنت اختي الثانيه جت جلست ومعها ريموت التلفزيون
وعطتني اياه وكان شكله غريب كأنه شاحن جوال وقالت شوفي ريموتك ماعرفت له حطي لي رقم 6 قلت وليش 6 قالت بس حطي لي 6 في مسلسل اتابعه
ويالله يالله حطيت عليها كانت الارقام صغيره في الريموت
بعدها وانا اسلم على اختي لانها بتروح الا طلعوا حرمتين من الغرفه الجانبيه تفآجات بوجودهم
قلت وين بتروحون تو الناس اقعدوا قالوا احنا والله ماجينا الا علشان نشوفك والله اننا نبيك ونغليك بس انتي ماتطلعين ولاتجينا مانشوفك
(في الواقع وحده منهم اعرفها عن طريق النسبه من بعيد ومن وين لوين اشوفها بس دايم لين شفتها تقول والله اني احبك واعزك خلينا نشوفك
والثانيه وحده اشوفها معها احيانا بس ما اعرفها )
قالت اختي والله دايم اقولها اطلعي شوفي الناس قلت ايه والله لو اني اطلع واروح واجي واشوف الناس كان ماصار هذا حالي ..

العمر في ال50 تقريبا
عندي 6 اولاد وبنتين متزوجات
والله يوفقك ويرزقك الجنان ..