السلام عليكم ورحمة الله وبركاته
انا ياشيخ متزوجة وعندى ولد وبنت ولسة والدة بنتى من 6 شهور لما كنت حامل ياشيخ روحت عند بيت والدى الله يرحمة ولدت هناك وفضلت قاعدة حوالى شهر ولما رجعت بيتى بعدها بشوية حصلى حاجة غريبة حسيت بخنقة فزورى مش طبيعية وكان ايد مطبوقة حوالين رقبتى مش عايزة تسبنى وخفت اوى مع ضيق نفس ياعنى مش باخد نفسى بشكل كامل وانا لما جتلى الحالة دى افتكرت انى بموت فاعصابى سابت من الخوف وطلبت من زوجى انى اروح اكشف وفعلا روحت لدكتورة امراض صدر وباطنة وعملت اشعة والحمد لله لقيت مفييش حاجة ومن كتر ما كنت بتعب من موضوع الخنقة دى كنت بخاف اوى المهم قريت المعوذتين على ميا وشربتها بعدها اعدت اكح اكح وصوتى بقا فيه بحه كدة وبالمناسبة كنت ساعتها عند صاحبتى وهى مشتركة فى المنتدى هنا وعندها مشكلة برضة وبعدها بفترة نقلت من البيت اللى ساكنة فيه واجرنا شقة تانية عشان العقد خلص وحسيت انى احسن لحد ما فى يوم كنت قاعدة برضع بنتى وجت الخنقة بشكل قوى فجاة قلت لنفسى انا مش هخاف وقريت المعذتين ومسحت جسمى وقريت تقريبا 10 صفحات من سورة البقرة لحد ماتعبت وكنت عايزة انام وحلمت ان انا فى فصل ولبسة اسود فى اسود وصحبتى اللى عندها مشكلة بردة وحضرتك قلتلهل دة سحر عائلى كانت معايا وكل اللى فى الفصل والميس لابسين اسود وانا كنا عايزة اخرج من الفصل ومش عارفة وحلمت حلم تانى ان لى بنت عندها تقريبا ست سنين محبوسة فى السجن وانا روحت زرتها وقلتها لما تخرجى هتعيشى معايا وهعوضك عن اللى فات وانا كنت خايفة منها لانها مكلمتنيش كانت بتبصلى بس وبعدا ياشيخ تانى يوم حلمت ان انا باصة من الشباك وواحد ماسك كلب كبيييير اوى بس لونه بيج وكنت خايفة منه وبعدين وقعت من البلكونة وجريت على باب الشقة عشان ادخل وكنت خافة من الكلب دة اللى فاكراه ياشيخ بس انا اللى تاااعبنى فى حياااتى الخنقة وضيق النفس مع وجع كدة فى الجانب الايمن من القفص الصدرى وانا دلوقتى مواظبة على الاذكار بس ساعات مبصحاش الفجر ايه اللى عندى دة وجزاك الله خيرا لو اى سؤال لتوضيح حالتى اذكرة لى انا من اسبوع كدة جالى دوخة وصداع شبه مستمر ومش طايقة اسمع صوت عالى ودايما بشخط فى ابنى وبعدين بندم ولما بينام باعد ابوسه بيصعب عليا اسفة على الاطالة وجزاكم الله خيرا
![]()