السلام عليكم ورحمة الله وبركاته ...

حلمت بصديقة أمي كأني قابلتها عند باب بيتها وقلت لها أمي تسلم عليكي قالت الله يسلمها

وبعدها سألتي عندكم تمر قلت لها ايوه تبغيه دحين قالت لا بس كنت أبغى أحجزه عندكم

وأخده في العطله الصيفيه وبعدها دخلت بيتها بس ما أنتبهت أذا كنت لابسه جزمه ولا لأ

وكشفت شعري يعني شلت الطرحه وكان شعري باين قصير عند أكتافي ولونه بني وناعم وشكله حلو

وجلست عندها كأنو كان عندها ضيوف وبعدها جيت خارجه من البيت

جلست أدور على جزمه كانت في رجلي وحده والتانيه مهي موجوده

وشويه لقيت الجزمه التانيه في رجلي وكان لون الجزمه أسود بكعب خفيف وبعدها دخلت البيت مره تانيه

وكأني شفت ولد صديقة أمي يسوق سياره سوده وبعدها صحيت وانا لس ماخرجت ...

مع العلم أني ماقيد زرت ولا شفت بيت صديقة أمي في الحقيقه ويحنى مانبيع تمر أصلاً ولا نوزع وما قيد شفت ولدها
وشعري طويل وأسود وناعم بس مو بنعومة إلي في الحلم ..

يا شيخ أيش تفسير هذا الحلم ..

والله يجزيك خير ويسكنك فسيح جناته يارب ...