اشوف كاني أحك شعري واقول لبنتي مدري شعري يحكني . واحس اني امسك اشياء تحت اصبعي وانا احك . شوي وكاني طلعت دودة طويله . خفت بس قلت لا يمكن ماهي من شعري . ماني متأكدة انها من شعري . بعدين طلعت شي مثل اليرقه او بيضة حشرة واشوفها تفقس او تنفتح ويطر منها فراشه لون اجنحتها ابيض واسود . واطلع وحده ثانيه وتفقس ويطلع منها فراشه برضه وتطير وتروح . واطلع بيضه شكل ثاني وتفقس ويطلع منها حشرة صغيرة جدا دائرية لونها اسود كأنها نقطة سودا . وانا كنت خايفة وقلقانه ايش هذا . بعدين اشوف كان البيت اللي جالسين فيه كله مليان حشرات مثل اللي في شعري . كانها نقط سودا بس تطير . والبيت اللي احنا فيه مااعرفه . قمت اخذت مبيد حشري ورحت ابخ في كل مكان . واشوف غرفه بابها مقفل نص بس . كأن زوجي -او-أبويه نايم جوا والغالب انه زوجي . بغيت ابخها قالت بنتي لا عشان اللي جوا يمكن ينكتم من الريحة . بعدين رجعت غرفه ثانيه كانوا اولادي كلهم جالسين فيها ياكلون وبينهم سفرة مفروشه عليها اكل . دخلت وبخيت مبيد واشوف كان الحشرات بدأت تطيح وتموت . وانا احس كاني متفائلة خير انها راح تموت مع المبيد . واولادي يقولون خلاص كفايه بخ . جلست معهم واشوف كان فيه حشرات طايحة في بعض الكاسات اللي فيها حليب . تطمنت انها قاعدة تموت وبنفس الوقت اتسائل هل بتموت كلها او بعضها وهل يحتاج ابخ مرة ثانيه عشان اتأكد ..