الحلم الاول


كان قبل الفجر في شعبان 1430 هـــ


****
حلمت في شعبان1430

اني كنت في سوق شعبي بعد الساعه 12 بالليل كان السوق مظلم وكل المحلات مغلقه غير محلين خياطه لفساتين زواجات
دخلت الاول وانا خايفه وطلعت ودخلت الثاني وشفت فساتين اعجبتني وطلعت
وصرت امشي بالسوق وانا خايفه ومرعوبه وظلام واشوف زي الاطفال او الاقزام ماهم واضحين لي بس كنت خايفه وامشي وامشي لين وصلت الى قريب محل عطور العربيه للعود بس مادخلته كنت واقفه بنص الشارع
وجاء شخص طويل وجهه كانه نور زي القمر لما يكتمل تعرف كيف نوره ساطع كيف هو كذا اسمه بالحلم سعد حمد ملامحه مريحه
ومسكني وجلس يهديني ويكلمني وانا كنت مرعوبه وارتحت شوي بس ماكنت اتكلم واجد معه
واخذني وطلعني من السوق ووداني الى مكان كانه مجمع سوق بس ممراته وطرقه كأنها فندق وكان منور والاضاءه كانت حلوه وفيه ناس ترتاح في المكان
نفسي ارتاحت وجلست اسولف معه وهو ماسكني لين وصلنا في ممر وكان فيه سرير وقريب منه كافتريا تكون ع يساري

وجلسني ع وسط السرير وجلس على يميني بس مرتفع وجلست اضحك واسولف معه
وقال لي ناداني باسمي انتي لازم تقوين على الحقير الاسود وتتخلصي منه وانت اقوى ومالك حاجه فيه
وصار يشجعني ويحمسني وقال اذا تخلصتي من الاسود انا بخطبك وبتزوجك
وقمت وانا متحمسه والتفت ع يساري واشوف الاسود واقرب منه الا وهو يذوب
زي الشمع ذاب لين وصل لسره بطنه وبقى من بطنه الى راسه
وقلت له اسمع انا اقوى منك ومالي حاجه فيك وانا بتطلق منك وبتزوج سعد
انت طالق طالق طالق
وهو يذوب لين وصل بطنه وكان غاضب

واذن الفجر وقمت مرتاحه ومبسوطه


*****
الحلم الثاني
وقت حدوث الحلم

كذلك قبل اذان الفجر اذن الفجر وصحيت


ذيك الايام كنت اطلب العلم ومجتهده في الحفظ القران


كنت توي متخرجه من الجامعه لي سنه



تاريخ الحلم كان في تاريخ 1\12\1427هـ

شفت بالحلم اني تزوجت الشيخ سلمان العودة وكنت معه بالسيارة سيارة تقريبا جمس او يوكن
وكنا بنسافر للكويت عشان الشيخ سلمان العوده عنده محاضره دعويه في الكويت
ولما وصلنا للكويت مرينا على سوق قال لي الشيخ لازم اشتري لك هديه الزواج
ونزلنا لمحل ساعات كان شوي صغير مو كبير بسوق شعبي
وصار يختار ساعة الماس ثمينه وسعرها غالي وشكل الساعه يجذب النظر
وانا كنت مستحيه وخجلانه واقول بخاطري لا عيب شلون اكلف عليه وهو ماعنده فلوس
وصرت ادور على ساعه حلوة وشكلها مقبول وسعرها رخيص مايتجاوز الف ريال
وفجاءه دخلو علينا نساء عاريات تنوره قصيره والاكمام عاريه وكانو 5 او 4 نساء
قمت وحطيت يدي خلف الشيخ عشان مايلامس ظهره النساء وخرجنا وركبنا السيارة
ورحنا للمسجد ابيض كبير دخل هو القى المحاضره وانا اسمع صوته
وصلت لقسم النساء مالقيت مكان كان مزدحم وماقدرت ادخل المسجد والحديقه المسجد كانت
مزدحمه نوعا ما
لقيت وحده اعرفها ايام الجامعه اسمها نورة سلمت عليها وسولفت وقلت لها اني تزوجت الشيخ لي اسبوع
قالت لي ليش جايه هنا روحي للفندق وتزيني وتعدلي توك عروس
رحت للفندق بس مادخلت من الباب
لقيت الجدار فيه فتحه مكسوره وصرت امر مع الفتحه ذي مريت ع 4 جدران نفس الحاله ذي
وكنت الفتحه شوي بعيده عن الارض كنت انقز عشان اوصل والاخيرة اظن اني استخدمت كرسي
لين وصلت الى طاولة طعام كبيره مليانه اكل والاضاءه قويه كانه مناسبه او حفله


بالحلم ماشفت وجه الشيخ نفسه لا شفت شخص ثاني