السلام عليكم ورحمه الله وبركاته

مشكور على تفسيرك للحلم السابق

واتمنى تفسير هذا الحلم ايضا لاني كثير متضايقه من اعدائي

حلمت اني كنت بالمسجد الحرام وكنت واقفه انا وخالتي وكنت انظر للناس واسال خالتي اقولها غريبه وقت حج والناس مو زحمه(في الحلم لم اقصد مكه للحج) قالت لي ايه علشان هالسنه تنظيم اكثر وبعدين رحت عند الكعبه وشفت حنفيه طالعه من الرخام اللي عند الكعبه وشربت ماء من الحنفيه وكان طعمه لذيذ وفيه حلاوه وبارد "منعش"ورحت انادي خالتي وقولها تعالي اشربي منه وجت وشربت وقلت لها انا بروح اقبل الحجر الاسود لان مافيه زحمه قالت انا بجلس هنا وروحي انتي وقلت في نفسي بس انا توني صاحيه من النوم يعني اني مو على طهاره ورحت للحنفيه اللي عند الكعبه وتوضيت منهاوكنت مستحيه وخجلانه ومرتبكه من الناس اللي جالسين حول الكعبه ورحت للحجر الاسود وكان اغلب اللي حواليه نساء وكانت في حرمه محتضنته وكنت اقول في نفسي ليه تضيق على الناس المفروض تبعد وتترك لغيرها فرصه المهم انا ماقدرت ادخل واقبله فادخلت يدي اليمنى وصرت اتحسس جدار الكعبه حتى لمست الحجر ودعيت ان الله يخلصني من اعدائي وطلعت يدي وقبلتها ورجعت لخالتي وباقي تفاصيل الحلم مااتذكرها