رأيت ان في اماكن من جسمي عنقز ( جدري الماء ) وكنت مستغربه متى وكيف جا . اقول في نفسي وانا مبسوطة متى جا وماحسيت فيه ولا مرضت ولاشي . كنت فرحانه انه مااتعبني . وكنت اقول لأمي شوفي فيني عنقز . واكشف لها عن يديني وصدري واوريها . واشوف ابويه مع امي وكأنهم يستعدون لعزيمه وامي قاعده تجهز وكانت تو صاحية من نوم او مرهقه . بعدين اخذت اقطع عنها السلطه وقلت محتاجين خس وبعض الخضار . قلت لها بروح اجيب بسرعه وارجع . وانا اطالع العنقز في صدري وامبسوطة كيف مامرضت .. ودخلت غرفة وحصلت ابويه منسدح فيها يبغى ينام . قلت في نفسي ماراح اروح اشتري . يمكن يقول ليش في هذا الوقت تروحين . بخليه ينام بعدين اروح . وبنفس الوقت افكر في امي انها تنتظرني .