#1
|
||||||||
|
||||||||
جزاكم الله خير
المهم اشوف اني خايفة وهاربه ومعي حرمتين مااتذكر مين هما لكن أمي كانت معي . كان المكان فوضى والناس هاربه وفجأه شفت الجنود ومعاهم كلب واكانوا يستخدمون الكلاب فقلت اكيد بيفكونه علينا فهربت انا واللي معاي . واحس اني ماني قادرة امشي بسرعه والسبب ان أمي كانت تحاول تتمسك فيني لانها ماهي قادرة تمشي بسرعه بسبب انها كبيرة في السن واشوف اني اشيل يدها عني واقول لاتمسكيني لاني ماراح اقدر اجري . وكنت خايفة جدا . المهم دخلت غرفه مكركبه وكلها صناديق واشياء زي السرير . واشوف فيها حريم نايمات ومتخبيات اللي تحت الصناديق واللي فوقها فقلت شكلي بنام جنب هذي الحرمه وفعلا استلقيت جنبها وهي ماتتحرك نايمه وماكنت مرتاحه لان المكان غير آمن . وبعدين قمت اشوف مكان ثاني ولقيت غرفه ثانيه تشبه الاولى وفيها حريم لكن مرتبات وضعهم وحاطات الصناديق كلها تحت الشباك عشان اذا احد دخل عليهم من الباب يهربون من الشباك . طلعت من فوق الصناديق وطليت براسي من اشباك قلت في نفسي حلوه فكرتهم . وحسيت براحه وانا معاهم وكان معاهم شراشف مثل شراشف الصلاة عشان اذا طلعوا يسترون انفسهم بها . وتذكرت امي . فقلت بدورها اول وبعدين اجيبها معي . طلعت ودخلت غرفه تشبه الغرف اللي قبل وفجأه اشوف امي مستلقيه على سرير وماتتكلم ابد بس تطالعني وفرحت لاني لقيتها وقربت منها وحضنتها وانا ندمانه اني تركتها ومسكت راسها بين يديني . وفجأه الا راسها لين مرة ومكان كفي انضغط . خفت بالمرة حاولت ارجع راسها لطبيعته وعرفت ان امي تعبانه وانا اطالع فيها وابكي واحضنها واسلم عليها في كل مكان اقول ( ياعمري وياحياتي ) وانا نادمه على اني تركتها . وعرفت من نظراتها لي انها مودعه وانها بتموت خلاص . كانت بس تطالع فيني وساكته وراسها لين مره يعني لما اضغط عليه ينضغط . وصحيت وانا حزينه جدااا . |
مواقع النشر (المفضلة) |
|
|