#1
|
||||||||
|
||||||||
بنت
حلمت اليوم قبل صلاة الظهر رايت انى قاعدة بمكان زى مطعم من الامام و داخله كان زى مكان عمل لى المهم كنت اجلس على كنبة من مجالس المكان و رايت الشخص اللى انا بحبه قاعد فى بداية المطعم و هو جانى عندما رانى و جاب معاه بنت اخته الكبرى و جه جنبى كأنى بيعرفنى عليها او بيتحجج بيها عشان يكلمنى لكنه لم ينطق بكلمه بس انا فهمت فأخدت البنت و سلمت عليها و سالتها عن اسمها و قالتلى سما مع العلم ان اسمها الحقيقى مش كده و بعدين هو مشى و ساب البنت معايا و كأن المطلوب منى ان اراعها لوقت معين المهم سيبتها مع مساعدين لى فى العمل و نزلت اعمل كام مشوار و عند عودتى و انا امشى بساحه المطعم الاماميه لقيت اخوه قاعد على طاولة مع ناس و كان ينظر لى و مريت على طاولة الشخص اللى بحبه ملقتهوش عليها و بعدين دخلت جوه فلقيت البنت جايه عليا و بتقولى ان ايديها اتحرقت فى المكواة فقولتلها ورينى ايدك و لقيت اثر حرق كبير على يديها ممتد على دراعها قولتلها لازم اخدك صيدلية تغير على الجرح و اخدتها و لقيت نفسى بقولها فين اختك الصغرى و لقيت اختها الصغرى معانا و كان اسمها هنا و فعلا ده اسمها فى الحقيقة المهم اخدتهم و نزلت الشارع لقيت الشارع زحمة جدا و عربيات كتير و انا حريصة عليهم اعديهم و سما الكبيرة رجلها كانت حتدوس على بلاعة مفتوحه بس نبهتها و بعدين لما قربنا على الصيدلية ببص فى وش هنا لقيتها صغيرة و بيضاء و جميلة اوى عجبتنى وبعدين وصلنا للصيدلية دخلنا كانت زحمة جدا روحت للصيدلى علطول اقوله الحالة طارئة قالى انتظر دورى وقفت و بصيت جنبى لقيت هنا و ملقتش سما سالت الناس فين سما قالولى واقفة هناك كان فى واحدة لابسه لبسها مديانى ضهرها لما لفت لقيتها مش سما فأتخضيت و قعدت اسال الناس كلها و فى بالى حقول للشخص اللى ادهانى ايه او كده اهله حيزعلوا منى و مش حيتمموا الموضوع خالص و فجأة لقيت اختى قدامى بتقولى خلاص سما حالتها مش حتنفع و انا قولتلها لا و فضلت ادور و واحدة بنت تانية قالتلى سما خرجت المهم فى النهاية لقيت نفسى بقول لهنا تعالى يا هنا و بشيلها و واقفة على باب الصيدلية بنادى على سما بصوت عالى و بقول سما فين ,,, سما بنتى فين و انتهى الحلم ملحوظة : الشخص ده كان عايز يتقدملى بس اهله عارضوا الزواج و انا و هو مش بنتكلم من 3 شهور و ربنا كان رزقنى برؤية عنه ان فى مبشرات بالخطوبة و حضرتك فسرتهولى قبل كده و الحقيقة انا قلقانة من الحلم ده لانى بدعى ربنا دايما ان الامور تتصلح و نرجع لبعض |
مواقع النشر (المفضلة) |
|
|