#1
|
||||||||
|
||||||||
حلم غريب وبعد رقيه
![]() حلمت حلم غريب تقريبا من شهرين واكثر وكان بعد رقيه حلمت ي فجاءه متزوجه ... وكلني مصدومه اني متزوجه بهالسرعه .... واقول اشلون صار هالموضوع من دون علمي لاني لااذكر شكلي في العرس او شكل عرسي اشلون ... او المعازيم او اي شي في العرس .... بس وعيت ولقيت نفسي متزوجه والموضوع مخلص وكنت من الصدمه اسال اختي الصغيره ... اشلون كان مكياجي في عرسي ... قالت لي كان حلو وكل شي كان مرتب واحمر الشفاه متناسق .... وعقب لفيت على امي وسالتها يمه اشلون المعازيم اشلون كانو .... قالت لي ... البنات كانو شوي لابسين ضيق بس العرس كان حلو .... وكنت انا طول الوقت في الحلم مندهشه فقمت افكر بصديقاتي ... واقول حق اختي انا ماعزمت رفيجتي الهام .... شنو راح تقول عني وهي منتظره اني اعرس علشان تفرح لي .... اشلون بتتفهم اني تزوجت وخلصت وانا ماقلت لها .... ولاعزمتها .... مع انه رغم ارادتي .... قامت اختي فكرت بخطه فاتصلت فيها وقالت لها انها نست تعطيها البطاقات .... بعد مانتهينا من الهام ... تذكرت رفيجه ثانيه وان احنا ماعزمناها في عرسي ...اسمها عايشه ... فقلت لاختي اشلون بتفكر فيني وانا اللي كنت اوعدها اني مااخبي عليها شي ... فاتصلت اختي عليها واعطتني السماعه ... فقالت عايشه ولاتزعلين حبيبتي اهم شي انج تزوجتي وانسترتي وهاذي فرحتي فيج .... بعدها لقيت زوجي ... وكنت مستغربه اشلون تزوجته وانا مااعرفه .... وكان من نفس جنسيتي ولكن ماخذ الجنسيه القطريه .... وكان شكله مو الشكل اللي انا اتمناه .... بس كنت احسه طيب ... بس مو متقبلته .... فقمت افكر وفكر وافكر .... اشلون موضوع مثل هذا صار لي وانا مو حاسه .... خصوصا اني متزوجه قطري ... (للعلم علشان الواحده تتزوج قطري لازم موافقه من الداخليه وتاخذ الموافقه 6 شهور الى سنه ) <<< وهذا خلاني مستغربه في الحلم ان الموافقه تمت في يومين .... واللي خلاني اتعجب اكثر .... انه زوجي وكنت اساله انت وين ساكن ... هل عندك اخوان وخوات ... وشنو اسم عيلتك .... وبعد لاني مو متقبله فكره اني متزوجه وتحت وصايه رجل اخر .... كنت استاذن والدي هل اخرج معاه .... وبنفس الوقت اقول هذا زوجي انشالله اروح معاه وين مااروح ... ليش استاذن من ابوي ... علشان اطلع مع زوجي المهم بعدها كنا انا وامي قاعدين في المجلس فجا وقعد جمبي واقترب مني وانا مو متقبلته ابدااا ... فمسكني وقبلني ... فاندمجت معاه قليييييلا ... بس كان شاغلني اني مابي انام مع واحد مااعرف عنه شي ومسماه زوجي ... يعني كنت شوي خايفه لان الموضوع كان مثل الصدمه وبسرعه .... وانا اكلم رفيجتي ... سمعته يقول انا بخاطري يهال .. والسبب انه لاحظ اني باعده عنه ومابي اقترب منه ...... انتهى ... بصراحه انا مستغربه من الحلم ... والله حسيته حقيقه لدرجه اني قعدت من النوم مو مصدقه اني قعدت من النوم ... وانه كان حلم ,,, قبل بفتره بسيطه تعالجت لمده 8 ايام عنده شيخ معروف عنه بالتقى وعلاجه قوي .... والحمدالله قالي اني صرت زينه .... بس والله بخاطري اعرف شنو تفسيره لاني فعلا مندهشه .... وبعد اضيف شي بسيط ... اخوي حلم فيني اني حامل ... وكان شكلي محلووو ... يعني قال في المنام انتي احلويتي وانتي حامل ... وكنت قاعده بين عماتي .... انتهى سامحوني عالاطاله .... يجزيكم ربي الجنه ... |
مواقع النشر (المفضلة) |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
استعملت رقيه وهذا ما حدث ....الله يجزاكم الجنه افيدوني | ام الجوهره | عالم الجان ـ علومه ـ أخباره ـ أسراره ـ خفاياه . الإدارة العلمية والبحوث World of the jinn | 1 | 23 Dec 2011 09:45 PM |
استعملت رقيه وهذا ما حدث | ام الجوهره | العين والحسد وخطرها على المجتمعات قديما وحديثا . الإدارة العلمية والبحوث Research studies and eye a | 2 | 19 Dec 2011 07:13 AM |
اكزيما منذ الطفوله هل لها رقيه بايات خاصة او زيت نافع | النصر لنا | طب الأعشاب . علمها وطبها وفوائدها Department of Herbal Medicine. Flag and Dobaa and benefits | 5 | 30 May 2010 07:46 AM |
الصداع قبل وبعد الافطار اسبابه وعلاجه | مكاوية | طب الأعشاب . علمها وطبها وفوائدها Department of Herbal Medicine. Flag and Dobaa and benefits | 5 | 09 Sep 2008 03:48 AM |
وفتاة بترت يدها ظناً من الأطباء بأنها غرغرينه وبعد البتر نطق الجان على لسانها ...!!! | أبو هريرة | عالم الجان ـ علومه ـ أخباره ـ أسراره ـ خفاياه . الإدارة العلمية والبحوث World of the jinn | 3 | 18 Oct 2007 11:53 PM |