من فضلكم ارجو المساعده Please help

بسم الله الرحمن الرحيم

السلام عليكم ورحمه الله وبركاته

اخوتي في الله سجلت في المنتدى هذا وقريت المواضيع عن الجن وخفاياهم وجزاكم الله خيرا عليه ..

حبيت اقول لكم عن مشكلتي الي كل يوم اسوا من الثاني .. كنت اصلي اول واصوم الاثنين والخميس بدون

مايدرون اهلي .. بديت احفظ سور من القران الكريم .. كلمت ابوي عن دوره تحفيظ القران الكريم ورفض

بكيت بكاء مايعلمه الا الله من حبي للقران ولهفتي لحفظه .. الصلوات ماتركها ابدا كان عمري 25 حينها ..

كنت سابقا لااصلي الصلاه على وقتها

لكن الحمدلله الذي هداني / لكن منذو سنه تقريبا انا الان ابلغ من العمر 27 .. تغيرت حياااتي تدريجيا اولها

مااصلي الصلاه ع وقتها

ثانيها تركت صيام الخميس والاثنين ثالثها صرت اسمع اغاني ولايهمني احد !! تغيرت بالمره وربي تعبت

نفسيا صرت اكره قرايبي

اغلبهم الي يخطي عندي مااغفر له تركت صديقاتي ماااتواصل معاهم زي اول بس ابي اكون لحالي اجلس ع النت اغلب الوقت ياأذن

يأذن مايأذن ماتفرق معاي بعد ماكنت اردد ورا المؤذن واروح اصلي ع طول اترك كل الي ف يدي .. الشيء الي صرت اسويه للحين

اني اقرا اذكار الصباح والمساء ذا الي مااتغير مع اني كنت اقراهم كامله الحين لا صرت مااقرا الا قليل واحس ابي اخلصهم بسرعه

لي تجارب مع الجن اول .. " اولها وانا ف غرفتي مع اخواتي اسمع اصوات ف السطح اصوات ضرب سريعه بالمره وانام وانا


اسمعها شوي يجيني الجاثوم دايم / مره من المرات وانا نايمه حسيت بجسم ثقيل علي ويمسح شعري واول ماتحركت راح مااهتميت

لها الشي بعدها شغلت سوره البقره في بيتنا وقلت لاخواتي بشغلها لان اختي الصغيره صارت تشوف جن في بيتنا مره يطالعون

لها من عند النافذه مره فوق راسها واقفين .. حتى مره صحتني تقول شغلي النور وشغلته وهي خايفه تقول كان واقف هنا حسبته وحده

منكم " اختي ماتصلي كثير وماتقرا قراان عشان كذا دايم تشوفهم " .. ومره قالت لي يوم صحيت الفجر قالت فلانه البارح وانا نايمه

اشتغل الراديو الي ف الغرفه وكانت فيه الاخبار يقولوا هاجمت امريكا العراق .. ماصدقتها الا بعد كم يوم فعلا صارت حرب امريكا

والعراق .. بعد الاشياء ذي شغلت سوره البقره في البيت وصار كل شي هااادي في بيتنا بعدها لاتخيلات ولاشي ولاجاثوم حتى

والنمل الي كان مالي البيت اختفى ماصار فيه / بعد ماشغلتها صرت اصلي واصووم وهداني الله زي ماقلت لكم في بدايه كلامي

لكن الحين تغيرت بالمره حسيت اني رجعت زي اول لا واسوا بعد .. فشلت في دراستي على فكره اصابني مرض ماادري وش هوو

انقطعت الدوره عني وتساقط شعري من الامام وتغيرت كليااااا / وماتزوجت رغم اني انخطبت بس ابوي يرفض ولااعلم وش

السبب لاسالناه قال اصلا ماخطبها احد عشان ارفض !؟ ؟؟..

اخوتي من عنده اي معلومه يقولي والي بيقول فيني جني ياليت يقول كيف عرف ووش اسوي الحين انا ابي ارجع نفس اول ..

تكفون الله يخليكم سااعدوني وربي تعبت وجايتني الايام هذي حالات نوم غريبه كل وقتي نووم لانمت مااصحى الا بعد 15 ساعه

لاصلاه ولااشي ..


اختكم في الله / رؤى الاحزان


..