حلم في المستشفى ...

بسم الله الرحمن الرحيم

السلام عليكم ..

أتمنى منكم تفسير حلمي والله يجزاكم خير ..

حلمت حلم في رمضان وهو أني كنت رايحه المستشفى وكانت هذي المستشفى كبيرة تصميمها كأنها مجمع تجاري وأسيابهاااااااا واسعه
لما دخلت للدكتور وكنت ع السرير يفحصني كنت حامل وشاف بطني وكآن في خط أحمرررر بالعرض كأنه عمليه بس مو عملية وانا لما شفته كنت مستغربه بعدها قال الدكتور وبعد ماشاف هالخط بنولدك بس مو عمليه وكان على انه توني مو وقت ولادتي قال بنعطيك طلق صناعي وراحت الممرضه بتجيب الأبرة بعدها أعطاني في أصابع يدي اليسرى زي الصعقه الخفيفه بجهاز كررها ثلاث مرات على انها هذي هي ابرة الطلق الصناعي حتى اقول في نفسي اثرها كذا وانا ما كنت خايفه اني بولد اوشي كان عادي بس قلت ما ابي امي او أي أحد يدري من اهلي اني بأولد لين أولد خلاص بعدين قلت شكلي بروح أمشي في السيب شوي اذكر امي كانت تقول المشي قبل الولاده يسهلها
وانا امشي في السيب حسيت بثقل أسفل بطني قلت شكل الولاده كذا وانا امشي الا اشوف خالتي أصغر من امي اصغر خالاتي عمرها تقريبا في بداية الخمسينات عندها 5 بنات و4 اولاد شفتها طالعه من غرفتها في المستشفى ولابسه لبس العمليات كأنها مسوية عملية اوشي كذا ومعها خالتي الثانيه كبيره وأحفاذها كبااارعمرها تقريبا 66يسولفون ونفس الطريقه لا بسه لبس حق العملية بس كأنها جايه تسلم وبس وهم يسلفون الااخالتي الصغيره تنادي بنتها الصغيره في المتوسط وكأنها هاربه من الغرفه تبي تطلع من المستشفى وخالتي تناديها تبيها ترجع واانا كنت اشوفهم بس كأني ما ابغاهم يشوفوني وانا حامل ومريت من عندهم بس كان الوضع عادي يعني ما طالعوني وقالوا ليه ماسلمت لا عادي كأننا مع بعض طول الوقت
بعدها وانا راجعه لغرفتي الا شفت على دربزين الدرج قدام غرفتي دفتر صغير مثل النوته سماوي الا وافتحه وأقرأ الاوحده من البنات كانت معي بالكليه بس علاقتي فيها مقتصره على السلام اسمها ساره التميمي متزوجه وتوها هذي السنه جابت ولد وفي الحلم نفس الشي انها متزوجه وعندها ولد ,كأنها كاتبه في هالدفتر كلام تعتذر فيه من أخوي قريته في البدايه بعدين ماعاد فهمت خطها في الصفحات الثانيه قلت في نفسي شكلها مسوية شي ةتبي تعتذر من أخوي ياحليها لانها خجوله كتبتها في ورق , كأنها طالبه مع اخوي هذا (مع انها متخرجة في الواقع ) كانوا يتعلمون تمريض أو طب مو متذكره بس وقتها طالعت تحت من وراء الدربزين الا اشوف ساحه كبيره مثل طريقة الاسواق بس فيه كراسي وطاولات وطلبة لابسين بالطوات كأن هذا المكان هو اللي يتعلم فيه اخوي هو وهذي البنت وباقي الطلبة
بعدها اخذت الدفتر ورجعت لغرفتي وكأن الولاده راحت شوي الا جوا ابوي وامي واختي ( متزوجه من سنتين والحين حامل معي )جايين ياخذوني ركبت السياره واقولهم اني كنت بأولد وأعطوني طلق صناعي بس ما ولدت ولالاحظت عليهم أي ردة فعل استغربت مررره, بعد ماوصلنا البيت رحت لاخوي واعطيته الدفتر وانا افتح فيه وهو يقرأ وكأنه معصب من جد عليها بعدها قام يكتب رساله لزوج هالبنت وانا كنت اطالع من بعيد في الدفتر ابي اشوف وش يكتب الا كتب (عثمان ) على انه اسم زوجها الا فجأة أنتبه اني اطالعه وغطى الدفتر بيده و كان الدفتر كبير ابيض وبس
أخوي يدرس بكالريوس ثاني سنه ادراة اعمال في امريكا عمره 28 سنه

العمر 23سنه
متزوجة من سنه وحامل في الشهر السابع
وانا على خلاف مع زوجي
متخرجه قريبا من الجامعه


بعد إذنك ياشيخ اذا مافيه مشكله عندي حلم ثاني اذا ممكن تفسره حلم مقلقني حلمت فيه من فتره قبل رمضان
وهو اني اشوف زوجي مريض بالمرض الخبيث الله يكفينا واياكم الشر
وكان شكله يخوف وجهه شاحب وشعره ابيض كأن بعضه متساقط لدرجه اني اشوف فروة الرأس
والشكل ما احس انه شكل زوجي بس على انه زوجي

أعتذرررررر جدااااااااا على الإطاله

والله يجزاك خير الجزاء ويوفقك دنيا واخره ..