حلم خوفني مره مره..

~*¤ô§ô¤*~بسم الله الرحمن الرحيم~*¤ô§ô¤*~


الــســلام عليكم ورحمة الله وبركاته..

حلمت بأني كنت طالعه مع أهلي وبعدين فجأة ماعاد لقيت أهلي ودخلت بيت ناس ماأعرفهم وجلست في المجلس وبعدي دخلت خالتي المتوفية(رحمها الله) وبنتينها الكبار, وسلموا علي وفجأة صارت بنت خالتي عبارة عن جنية متمثلة بهيئة بنت خالتي وكانت تقرب مني مرة كأنها بتدخل فيني وأنا أبعدها وأقرا آية الكرسي, وطلعت من هالبيت مسرعه وقعدت أدور أهلي وأنا أمشي في الشارع مريت من عند أهلي لكن من انتبهت, وقامت اختي الكبيرة ونادتني , وماأحد فيهم كان منتبه اني ضايعة منهم, وهم كانوا ينتظرون أخوي الكبير عشان يجي يرجعنا للبيت بالسيارة , ويوم ركبنا السيارة كنت أبي أقولهم وش صار معي ولكن أختي الكبيرة كانت تبي تقول سالفة صارت معهم وقاطعتني وماقلت لهم شي, ولكن وانا بالسيارة كنت أحس من نظرات أخوي لي انه غاضب علي , لكن ماكنت ادري وش السبب..
وصحيت من النوم مرة خايفة وقريت آية الكرسي والمعوذات ورجعت أنام وكان الحلم قبل الفجر بساعة تقريباً..

بسم الله الرحمن الرحيم
الحمد لله القائل لهم البشرى في الحياة الدنيا وفي الآخرة والصلاة والسلام على النبي القائل لم يبقى من المبشرات إلا الرؤيا الصالحة يراها المؤمن أو ترى له خيرا رأيت وخير تلقينه وشرا تتوقينه خير لنا وشر لأعدائنا ثم أما بعد اللهم أجعلها رؤيا خير
( قال هشام بن حسان : كان ابن سيرين يسأل عن مائة رؤيا من تفسير القرآن الكريم فلا يجيب فيها بشيء إلا أن يقول : اتق الله وأحسن في اليقظة , فإنه لا يضرك ما رأيت في النوم وكان يجيب في خلال ذلك ويقول : إنما أجيبه بالظن , والظن يخطئ ويصيب )
ــــــــــــــــــــ
إن كان هناك من تفسير لهذه الرؤيا أو الحلم والله أعلم
يقول الحبيب المصطفى صلوات ربي وسلامه عليه ( من رآى منكم مايكره فليتعوذبالله من الشيطان الرجيم وليتفل عن يساره ثلاث مرات فإنه لايصيبه شيء)
وهذه عين كادت أن تصيبك ولكن الله حفظك بآية الكرسي وعفوا بري أخاك الكبير أكثر فإنه قد يظن منك عدم التقدير والطاعة .
بارك الله فيكم
والله سبحانه وتعالى أجل وأعلى وأعلم ونسبة العلم إليه أفضل وأسلم
دمتم ودام عطائكم
وجزاكم الله عن الجميع خير الجزاء

جزاك الله ياشيخ أبو فهد خير الجزاء..
مع جزيل شكري وخالص امتناني