رسـالة عاجـلة إلي كل محبط لم يستعد لرمضان حتى الآن ! الأمل لايزال موجود ....

رســـــــــــــــالة عاجـــــــلة

إلي كل محبط لم يستعد لرمضان حتى الآن !
الأمل لايزال موجود ....

اقتباس:
رجب شهر الزرع
شعبان شهر السقي
رمضان شهر الجني


أنا مزرعتش حاجة.. ولا سقيت حاجة :(
مفيش أمل رمضان خلاص ضاااايع ضااااااايع


اقتباس:
كان الصحابة يستعدون قبل رمضان بستة أشهر


باقي 6 أيام وأنا معملتش حاجة

خلاص رمضان زي كل سنة :(

مفيش فااااااااااااايدة

كان نفسى يكون رمضان مختلف لكن ملحقتش

رمضان باقى له أيام وأنا زي ما أنا
مش حاسس بحاجة ومعنديش همة أعمل حاجة

مفيش فاااااااااااااايدة
حتى رمضان هيضيع منى !! مفيش أمل

الكلام ده بنسمعه
وكثيييييير منا حاسس بإحباط شديد لإنه مستعدش

سواء كان واحد عنده أمل يتغير ويلتزم في رمضان
أو واحد ملتزم ولكن قلبه مليان فتور ومش عارف هيدخل إزاي رمضان !!

حد سأل نفسه ليه حالة الأحباط زيادة قوى دلوقتى ؟؟

الشيطان هيتسلسل بعد أيام وحريص جدا
إنه يسلسل قلوبنا قبل سجنه

يسلسلها باليأس أو بمعصية أو بمشكلة دنيوية

المهم إنك تنشغل لحد ما يرجع ويضيع رمضان !

أسأل نفسك

الإحباط هيفيدك بإيه ؟؟؟

ضيعت طول السنة هتضيع رمضان كمان !!!

محبط طول السنة هتحبط في رمضان ..!

. فكر في حالك لو ضاع منك رمضان السنة دي ..الإحباط هينفعك!!

انقذ ما يمكن انقاذه

ما لا يدرك كله لا يترك كله
ما لا يدرك كله لا يترك كله

طب مش باقى إلا أقل من أسبوع !! هنعمل فيه إيه ؟؟


حاجات كثيييييييييير

1) أبدأ الصيام عن
اليأس والصيام عن الذنوب والصيام عن الكسل

خلاص مفيش وقت نيأس ولا في وقت للذنوب ولا وقت للكسل
التدرج مينفعش دلوقتي ، كان ينفع لو كنا هنستعد من بدري
دلوقتي أبدأ فورا وصم عن الكسل

2) استحضر الشوق إلى رمضان وافرح بقدومه
أبدأ أقرى عن فضل رمضان وثواب رمضان
استشعر قيمة الشهر وأهميته وإن ممكن يتغفر لك وتتغير كل حياتك

هل تعرف معنى ( اللهم أعتق رقابنا من النار ) ؟

انتو مهتمين برمضان اوى كدة ليه؟؟ ‏

3) الاستغفار الكثير والتوبة
طول السنة ذنوووووووووووب
والذنوب بتقسي القلب ومن أثارها الكسل عن الطاعة وحرمان التلذذ بها .

نتوب ونستغفر كثيييير لعلنا نتخفف من الذنوب قبل رمضان


4) الدعاء ثم الدعاء ثم الدعاء
ملناش غير ربنا ، اشكي له من ضعف نفسك وفتورك وإنعدام همتك ، اطلب عونه على الطاعة

اللهم اعني على طاعتك وشكرك وذكرك وحسن عبادتك
اللهم بلغنا رمضان ، اللهم سلمنا إلى رمضان ، وسلم لنا رمضان ، وتسلمه منا متقبلا .


5) حدد أهداف رمضان وضع جدول رمضان وحضر قائمة الدعاء

** حدد هدفك : عاوز إيه من رمضان ؟

أوعى يكون مغفرة ذنوب وبعض أمور الدنيا وبس !

_قصه الموظفون الثلاثه!!

============================
** رتب جدولك
أمتى هتنام أمتى هتقرى قرآن وهتقرى قد إيه أمتى هتدعي وأمتى هتصلى التهجد ..لإن مترتبش دلوقتي هيضيع نص رمضان عقبال ما ترتبه !

============================
** حدد قائمة دعاء رمضان
فى الدنيا أريد: تفريج كل الكروب 2...........3...........

وفى الاخره أريد: 1_مغفره لكل ذنوبى 2_تغير فى اخلاقى وقلبى وحياتى لما يرضى الله3_توبه منكل ما لا يرضي الله4_عتق من النار اللهم امين5_.................6_................

عايزين نوايا وهمم عالية :نفسى أشوف الرسول فى المنام نفسى فى زياره للحرم نفسى ربنا يستخدمنى وأكون سبب فى إسلام أحد أو هداية أحد ونفسى,,,,,,,,,,,ونفسى,,,,,,,,,,,,,,,,,,,,,,,,,

ولا تنسى الدعاء لأهلك ومن تعرف بظهر الغيب ولا تنسى الدعاء للمسلمين

واوعى تضيع الدعاء فى الساعات الثلاثة
أفضل ثلاث ساعات في يوم رمضان

6) ما شعارك رمضان هذا العام

عاوزين نحط شعار لرمضان
شعار (لن يسبقنى الى الله أحد) جميل
ولكن صعب وغالبا هيسبق لله كثيييييييييير
لان المنافسه بينك وبين كل البشر
مطلوب ننافس ولكن من غير حسد ولا إحباط
أنت بتقرى جزء شوفت واحد بيقرى 15 !
لا تحسده ولا تحبط ..حاول تعلي وردك لاتنين او تلاتة

عشان كده إيه رأيكم (سأعبدك كما لم أعبدك من قبل)
المنافسه بينك وبين نفسك فى السنين الماضية ...أسهل مش كده

شوف كل سنة بتختم كل قد ايه لو بتختم مرة السنة دي خليها 2
ولو اتنين يبقوا تلاته وهكذا في باقى العبادات

7) أبدأ فورا : كل يوم إجتهاد في عبادة

* هنبدأ بالقرآن والقيام كل يوم من النهاردة مع الدعاء والاستغفار
* وحاول كل يوم تجتهد في طاعة معينة
يوم في السجود ، يوم في القيام ، يوم في الدعاء ، يوم في القرآن

استعن بالله ولا تعجز

بدأ الصيام عن اليأس والذنوب والكسل


ألا إن سلعة الله غالية ...ألا إن سلعة الله هي الجنة

اللهم بلغنا رمضــــــــــــــــــان

بارك الله فيكي اختي الفاضله

وجزاكي الله خير

المشاركة الأصلية كتبت بواسطة أبو خالد

بارك الله فيكي اختي الفاضله

وجزاكي الله خير

وفيك الله بارك اخى ابو خالد شكراً لك مرورك الطيب