|
#1
19 Jul 2013, 02:06 AM
|
|||||||||
|
|||||||||
|
حلم غريب أرجو تفسيره ..
السلام عليكم ورحمة الله وبركاته
أرجو تفسير رؤياي جزاك الله خيرا ... رأيت كأني رايحة أحضر زواج وحدة تقرب لأمي من بعيد مع ان البنت في الواقع متزوجه عندها 3 اطفال المهم لما دخلت القاعه كأنها تصميم استراحه مسطحات خضرا كبيره وفي الوسط القاعه لما دخلنا كنت أنا وأمي وأخوي اللي أكبر مني(اعزب ويشتغل في قطاع خاص ) والظاهر اختي الكبيره (متزوجه عندها ولدين )حتى كأن أخوي أول مرة يدخل ويحضر زواج نساء كان متفاجئ ويطالع متعود ع قسم وزواج الرجال ...المهم كنت جالسه اعدل نفسي عند المرايه واخوي وراي واطالع فتحه الصدر ع شكل سبعه كبيره احس صدري باين وبسرعه وانا منحرجه خايفه اخوي ينتبه لي لفتحه قمت اسحب في الفستان لين غطيته شوي صارت فتحه مقبوله وكنت لابسه عقد اكسسوار لؤلؤ لونه عنابي كأنه مواصلي يعني موغالي حتى فستاني كان جدا عادي بس تسريحه شعري كانت مرفوعه على فوق وحلو شكلي فيها وكان معي باقة ورد ابيض كبييييييره حتى اخوي يضحك علي وانا شايلتها واختي تقول اخبر العروس هي اللي تحط ورد مو الضيوف يجيبون معاهم ورد وانا مطنشتهم المهم بعد ماخلصنا من عند المرايه مشينا في المسطحات الخضراء الا اشوف على جنب فيه مظلة بيضاء على شكل خيمه بس مفتوحه من كل الجهات رحنا لها ولقيت باقات ورد ابيض وبينها دفتر العروس اللي يكتبون الناس فيه يهنونها كأن هالمظله باللي فيها من تجهيز العروس بعدها دخلنا القاعه واحنا في الزواج قالت لي اختي معك عطر وين عطرك ؟ قلت ايه وتذكرت اني نسيته على الطاوله في المظله اللي عليها باقات ورود العروسة ومعه بعد باقتي اللي انا جايبتها يعني تركتهم مع باقات ورود العروس قالت اختي تستاهلين نسيتيه كله بسبب هالباقه وتضحك وانا كأني قاصدة اترك الباقه لاني انحرجت ادخل فيها اول شي لان محد يجيب معه ورد وثاني شي لان الباقة مررررره كبيره فخليتها قلت بأخذها في اخر الزواج محد بياخذها هنا وحتي اغراض العروس وباقاتها ماراح ياخذونها الا متاخر بعد ما يطلعون الناس فبيمديني اخذها قبل ما يشيلون اغراضها .. لما بدأ يخلص العرس الا رحت ابي اخذ باقتي ابغى اوزع الورد على الضيوف مالقيتها قلت اكيد اخذوها اهل العروسة على بالهم انها تبع العروس بأروح اقولهم يعطون اياها اصلا باقتي غير عن باقات العروسة باقاتها مربوطه بشرايط بيضاء اما انا شريطه ورديه والباقه اكبر من باقاتها .. رحت أسال وحده كأنها اخت العروسه او خالتها قالت ايه عرفتها باقتك الحين بروح اجيبها اصبري شوي وقعدت تسولف وانا احترق ابغاها بسرررعه تروح تجيبها .. الا اشوف وحده من بنات خالي (توها متزوجه من كم شهر) اشوف معها ثلاث وردات بيضاء مغلفه طالعه فيها .. قلت يوه انا بعد ابغى اعطيها ورد ورجعت اقول لاخت العروسة هذي يالله عطيني باقتي هي اللي كبيره ومربوطه بشريطة ورديه قالت ايه والله ادري دقيقه بأكمل هالسالفه الا فجأة فقدت عقدي اللي كان علي وكأنه عقد ألماس مع اني يوم ادخل كان لؤلؤ عنابي المهم قلت يالله حتى عقدي الالماس ضاع ورحت ادوره في القاعه وفي كل مكان مالقيته .. وانا ادور لمحت عاملة عند غرفة العروس وقلت لها عن الباقه علشان تدورها وتجيبها لي بسررررعه وقالت طيب ونسيت العقد , (الاحظ اني كنت حريصه على باقة الورد الابيض أكثر من عقد الألماس ! مع ان عقد الالماس اغلى وضايع اما الورد عارفه مكانه بس ابغي يجيبونه بسرعه ) متخرجة متزوجه من 3 سنوات عندي ولد عمره تقريبا موجودة عند اهلي من كم شهر بس مشكله ما اعرف وش سببها ع ان زوجي بيجي ياخذني ماجاء ولاعاد رد على اتصالاتي ولا اعرف وش السبب ! وقبل أسبوعين تقريبا طلقني .. ( سبحان انت قلت لي في اخر حلم فسرته لي ان الحلم يدل على قرب نهاية المشكلة وفعلا بعدها بكم يوم تطلقت الله يجزاك كل خير ولايحرمك االأجر ) والله يوفقك ويسعدك ويجزاك كل خييييير .
|
|
24 Jul 2013, 05:33 AM
|
#2 | |
|
الحسني
 
|
رد: حلم غريب أرجو تفسيره ..
أختي الفاضلة الكريمة
يقول أهل التعبير والتأويل بأن مجمل ماذكرت يدل على إنك تعاملين بأحسن ما يكون بكرم وبطيبة إخلاق تكاد تكون كالفطرة وتجدين منهم عكس ما تتوقعين حتى مع بعض من أهلك ثبتك الله على ماأنت عليه وكان في عونك وآجرك عليه والله تعالى أعلى وأعلم |
|
|
 |
| مواقع النشر (المفضلة) |
|
|
العرض العادي
