حلمي بثعبان

رأيت وكأني اجلس في حديقة مع حريم ولكن مااشوف وجيههم ولاشي بس اشوف اجسام كانهم حريم جالسات معي .. ( انا في الحقيقة دايم اطلع مع جاراتي لحديقة جنب البيت ) . وكانت الارض فيها ارتفاعات ومو مريحة في الجلسة فنزلت عن الارتفاع شوي بحيث ارتاح وانا جالسة . صرنا على شكل حلقة . كان جالس طفل صغير معنا واشوف كأن الطفل هذا عنده توحد او مرض . نفس الشي مااعرفه ولا شفت وجهه لكن اشوف كأن فيه طفل .. واشوف كأن الارض المرتفعه بيني وبين الحريم فيها ديدان صغيرة زي شكل الثعابين . دايم تجي في التربه المزروعة . شوي اشوف كأن فيه ثعبان يمشي من ورا الحريم ووصل عند الطفل . . .وفجأة طلع راسه ولف على الطفل وثبت انيابة في رقبة الطفل .. اشوفه ثعبان ثعبان مو دوده .. في البداية كانه دودة ولون الديدان ولكن لما طلع راسه طلع ثعبان كبير .. واستمر عاض على رقبة الطفل والطفل ساكن مايتحرك . وانا اقول في نفسي شكل عشان فيه توحد مسكين . وقلت وين ام الولد ؟ قالوا الحريم راحت تدور ولدها الثاني .. انا والحريم نتفرج ماسوينا شي وننتظر النتيجة . انا خايفة . بعدين خفت الولد يموت واحنا ماسوينا شي ويلومونا الناس . كان في يدي شي طويل مثل العصا . من بعيد ضربت الثعبان على وجهه ضربه مو قويه وماسوت شي .. بعدين شفت في يدي قلم فقلت برمي القلم داخل فمه يمكن يفك الولد .. كأني اشوف فمه فاتح .. بس القلم ماجا في المكان الصح وطاح ع الارض برضه .. شوي اشوف الطفل طاح ع الارض ميت والثعبان هوى للارض بقوه ولما هوى وطاح ع الارض فتح فمه وطلع الدم منه مثل النافوره تقريبا وبعد الدم مويه متعكرة والشكل مقرف اعزكم الله ومات الثعبان برضه .. وانتهى

ياليت تفسر لي حلمي ياشيخ وجزاك الله خير على صبرك وجهدك

أختي الفاضلة الكريمة أحلام
يدل مجمل الحلم على أن رؤية الديدان والثعابين والهوام والدواب تدل على أرواح عيون حاسدة شيطانية
ويدل حلمك على بشرى بشفاء طفل من معارفكم أو أقربائكم من مرض كان بسبب عين
وكان شفائه بعد الله تعالى بسبب أدعية كنت تدعين له .
والله تعالى أعلى وأعلم