#1
|
||||||||
|
||||||||
وداعا ....لن تكونى صديقتى!!!( عاجل الى كل مدخن )
فى لحظه صدق مع النفس أنتى اسوء صديقه عرفتها!! انا عارف ان مبيجيش وراكى غير كل شر!! أنا نفسى اسيبك زهقت منك... والغريب انى مبعملش كده!! مش عارف ليه بعد كل السنين دى انتى لسه معايا وبرغم كرهى ليكى لسه ببرر وجودك!! انا مالى ؟؟ وليه بعمل كده ؟ امتى هيجى اليوم الى ابقى فيه اقوى واقول وداعا لن تكونى صديقتى!!!!! ******************************** يتغير المشهد ثم أنا عارف انها حرام وانها بتضر الصحه وانا حاولت ابطلها كثير ومعرفتش وعامه انا بعمل طاعات تانيه ومش عارف ابطلها..هعمل ايه يعنى وبعدين ربنا غفور رحيم ولا يكلف الله نفسا الا وسعها مش هو ده دايما الى بنقوله ماشى لكن وبعدين؟؟؟؟ شئت ام ابيت هتموت وهتتسأل وهتتحاسب واما جنه واما نار فاقرا انت مش خسران حاجه لعل وعسى!! ومدام انت عارف انها حرام وانها مضره بالصحه مش هعيد الكلام ده دلوقتى ولكن هسأل 4 اسئله: كل سؤال هنتكلم عنه فى مشاركه 1_انت بتصدق مين؟؟ وخلى بالك بتصدق مش بتتبع تفرق كثير؟؟ 2_أنت على كلامك اكيد واحد من اتنين..انت مين؟؟ 3_انت معتمد على الحاجات دى؟؟ يؤسفنى ان اقول 4_طب واخرتها؟؟ ياتعملها يا طريقين احلاهم اسوء من التانى بس مش باختيارك!! واخيرا:ولا يهمك أنوى واليك هذه البشرى وفى الاخر مشاركتين اضافينين كمان دى نقاط الموضوع وهنتكلم فيها بعد كده انتو عرفتو مين الصديقه الكريهه الى بنتكلم عنها إلى متى؟؟؟؟ رمضان على الابواب ألم يأن أن تتوب؟؟؟؟؟؟؟
|
09 Jul 2011, 06:53 PM | #2 |
وسام الشرف - قروب ـ رياحين الإخاء جزاها الله خيرا
|
رد: وداعا ....لن تكونى صديقتى!!!( عاجل الى كل مدخن )
1 انت بتصدق مين؟؟ وخلى بالك بتصدق مش بتتبع تفرق كثير؟؟ احنا لما بنعمل اى معصيه فى لحظه فعلها بنكون عاصين لله متبعين للشيطان.....ومتبعين للهوى والنفس عشان كده ان مش هسأل انت بتتبع مين ولكن انت بتصدق مين؟؟ الشيطان بيقولك: مفيش امل وانت مش عارف تبطلها وخلاص يعنى جت على دى وبعدين ربنا غفور رحيم وانت حاولت كثير خلاص بقى وربنا بيقول: (والله يريد أن يتوب عليكم ويريد الذين يتبعون الشهوات أن تميلوا ميلا عظيما) وبيقول(والذين جاهدوا فينا لنهدينهم سبلنا) وبيقول فى الحديث القدسى(من تقرب الى شبرا تقربت اليه ذراعا) يعنى ربنا تواب ويريد لنا التوبه وان تقربنا خطوه صغيره قربنا خطوات اكثر ومهما كانت ذنوبك كبيره الباب مفتوح أنت بتصدق مين؟؟؟؟؟ انت ممكن تعصى ربنا وتتبع الشيطان شهوه او ضعف وكل ابن ءادم خطاء ولكن انت بتصدق مين؟؟؟ مينفعش تصدق حاجه ضد كلام ربنا والا والعياذ بالله ده يبقى كفر مينفعش تصدق انه خلاص انا مش عارف ابطلها ومش هعرف فين ايمانك بربنا ؟ فين يقينك وتصديقك لكلامه؟؟؟ ربنا قال (والذين جاهدوا فينا لنهدينهم سبلنا) يعنى جاهد وهو هيهديك بس جاهد مش احلام يقظه وكلام ________________________________ 2 أنت على كلامك اكيد واحد من اتنين..انت مين؟؟ 1ما هو أنت يا مش مصدق ربنا!! 2يا مش عاوز اصلا تبطل وبتضحك على نفسك بالمسكنات!! أنت مين؟؟ وبصراحه هتقول انا مصدق ربنا بس انا ضعيف ومش قادر هنرجع لنفس النتيجه أنت عاوز تبطل بالكلام وبس زى ما الكل عاوز يدخل الجنه وعاوز يبقى سعيد وعاوز يبقى مجبوب وعاوز يبقى ناجح وممكن تلاقيه مبيعملش اى حاجه لو عايز تبطلها: تبقى عاوز بجد وهنقول فى الاخر نعمل ايه ولو مش عاوز هسألك ليه؟؟؟؟؟؟؟؟ راضى عن نفسك كده؟ عادى ان ملك الموت يقبضك كده؟؟ مفيش مشكله انك تقابل الرسول كده؟؟ ولا تكون معتمد على حسن الظن بالله وان ربنا غفور رحيم وانه ذنب صغيرويعدى 3 انت معتمد على الحاجات دى؟؟ يؤسفنى ان اقول ..>>يتبع>>> |
|
09 Jul 2011, 06:57 PM | #3 |
وسام الشرف - قروب ـ رياحين الإخاء جزاها الله خيرا
|
رد: وداعا ....لن تكونى صديقتى!!!( عاجل الى كل مدخن )
3 انت معتمد على الحاجات دى؟؟ يؤسفنى ان اقول _ان كنت معتمد على_ حسن الظن هسألك لو عندك ابنين وامرتهم انهم ميعملوش حاجه معينه واحد قعد يقول بابا طيب وكبر دماغه منك وكل ماتكلمه يرجع تانى وميهتمش بكلامك ويقول مش هيعمل حاجه يبقى ده يحسن الظن بيك ولا مستهون بيك؟؟ طب الابن التانى احيانا بيعمل حاجات غلط بس يرجع حزين ويبكى ويقولك سامحنى ارجوك وقلبه بيتقطع ويقولك انا عارف انك طيب ساعتها هتسامحه لانه بيحسن الظن بك وقد تعجب احد السلف ممن يعصى ويقول أحسن الظن بالله وقال(كذبوا لو أحسنوا الظن لأحسنوا العمل) وخلى بالك الله الذى قال فى الحديث القدسى (انا عند ظن عبدى بى) هو من قال فى القرءان { لَّيْسَ بِأَمَانِيِّكُمْ وَلا أَمَانِيِّ أَهْلِ الْكِتَابِ مَن يَعْمَلْ سُوءاً يُجْزَ بِهِ وَلاَ يَجِدْ لَهُ مِن دُونِ اللّهِ وَلِيّاً وَلاَ نَصِيراً } ولو كنت متمد انه ذنب صغير للاسف مش ذنب صغير العلماء قالوا الى بيحول اى صغيره لكبيره من الكبائر عده اشياء منها الاصرار على الذنب ومنها المجاهره بالذنب والاتنين فى التدخين واسمع الحديث ده (((كل أمتى معافى الا المجاهرون))) اشمعنه المجاهرون!! لان المجاهر كأنه ماسك مايك وبيقول بأعلى صوته انا بعصاك يارب ...يا ناس انا بعصى ربنا وعادى كلنا عندنا ذنوب لكن انك تكون مش مكسوف من الذنب وعمال تظهره للناس هى دى المشكله هنا تدخل فى حديث الرسول الا المجاهرون ياااااااااه كلهم معافى الا انت؟؟ ليه ترضى انك تكون من اسوء المذنبين؟؟ ليه أنت احسن من كده!! انت فيك خير ليه تضيعه؟؟ وعشان ايه؟ عشان حاجه مش مفيده وبتضيع صحتك؟؟فين عقلك الى ميزك ربنا بيه عن سائر مخلوقاته؟؟ ليه كده؟ لو معتمد على ان ربنا غفور رحيم اكيد ربنا غفور رحيم لكن برضه ربنا شديد العقاب وربنا ليس بظلام للعبيد ربنا غفور رحيم معناها نرجعله بالتوبه وهو غفور رحيم يقبلنا ويعنينا مش استهين بأوامره وربنا ليس بظلام للعبيد ربنا عدل مش هيساوى بينك وبين طائع لا فى الدنيا ولا فى الاخره اسمع { أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَاَلَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ } مش هيحصل ساء ما يحكمون هو مرتاح نفسيا اكثر هو سعيد اكتر هو راضى اكتر وفى الاخره مفيش مقارنه ارجع اسأل ليه؟؟ بتعمل كده ليه؟ وعشان ايه؟؟ تغضب ربك وتهلك صحتك وتضيع فلوسك وتخسر أخرتك ؟؟ ليه؟؟ أسأل نفسك ليه؟؟؟ |
|
09 Jul 2011, 07:04 PM | #4 |
وسام الشرف - قروب ـ رياحين الإخاء جزاها الله خيرا
|
رد: وداعا ....لن تكونى صديقتى!!!( عاجل الى كل مدخن )
واخرتها؟؟؟؟ 1_يا اما تتوب وده باختيارك 2_يا أما اتحمل عذاب الدنيا او عذاب الاخره او الاتنين بس المره دى مش بأيدك الاختيار مش فاهم؟؟ لو أصريت هتتعاقب فى الدنيا او الاخره او الاتنين ومش بأيدك اختيار شكل عقابك سمعت الشيخ محمد حسين يعقوب بيقول حاجه تخوف قال لو واحد ربنا رزقه بفلوس فقطع الفلوس دى وقعد يعيط ويقول يارب ادينى فلوس قال تفتكروا ربنا يستجيب له قال لا ده كافر بالنعمه لا يحسن التصرف فيها وربنا نهى ان يعطى السفيه(الذى لا يحسن التصرف فى الامر) الاموال فقال(وَلاَ تُؤْتُواْ السُّفَهَاء أَمْوَالَكُمُ الَّتِي جَعَلَ اللّهُ لَكُمْ قِيَاماً )
بل ان لم يصبك أحدها فاعلم انك فى خطر أعظم مش خايف من سوء الخاتمه؟ ويبعث المرء على ما مات عليه هيبقى ايه احساسك لما تلاقى واحد جنبك مبعوث وهو بيصلى ولا بيقرا قرءان وانت مبعوث فى ايدك سيجاره؟؟ وان مش هتكلم عن العقاب ولكن هكتفى بذكر حديث وموقف قال رسول الله فى حديث له(من قتل نفسه بشىء فى الدنيا عُذِب به يوم القيامه) الراوي: ثابت بن الضحاك المحدث: البخاري - المصدر: الجامع الصحيح - الصفحة أو الرقم: 6047 خلاصة الدرجة: [صحيح] يعنى هتتعذب بيها فى الدنيا وربنا هيعذبك بيها يوم القيامه ونرجع نسأل ليه؟؟ليه تعمل فى نفسك كده؟؟انت مستسلم للشيطان كده ليه؟؟؟ فوووق اصحى اسمع الشيطان هيتبرأ منك ازاى (وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِي عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ)) (22)إبراهيم متلومش حد غيرك! متلومش حد غيرك! واما الموقف هو موقف من مواقف يوم القيامه مش هنتكلم عن الوقفه ال50 الف سنه ولا هسألك تفتكر هتقف قد ايه؟ ولا على العرق ولا هسألك تفتكر هيوصلك لحد فين ولا على النار ولا على..ولا.......... ولكن عن موقف الحساب!!!! لما تقف قدام ربنا ويسألك عن ذنوبك هتقول ايه؟؟؟؟ الموقف ده صعب قوى فكر هتقوله ايه لما يسألك عن عمرك فيما أفنيته؟ وجسدك فيما أبليته؟ هتقوله ايه فى السجاير فى الجرى ورا الدنيا لما يسألك عن مالك فيما أنفقته؟؟ هتقوله ايه؟ لما يسألك عن المال ده وانفاقك له فى الحرام وعن الاسره الفلانيه الى كان ثمن سجايرك فى الشهر يعيشها وعن اليتيم الفلانى الى كان ممكن تكفله بثمنها وعن العمره الى مطلعتهاش بتمنها وعن وعن هتقوله ايه؟؟ وارجع تانى أسأل ليه؟مستمر ليه؟ مستنى ايه؟ ايه الى يستاهل تعمل فى نفسك كده؟ قال تعالى ((فذكر إن الذكرى تنفع المؤمنين)) أنت مؤمن وأكيد نويت تتوب مش كده؟ عاوز تتوب؟ طب أبشر التوبه سهله ان شاء الله بس عاوزين عزيمه قويه التدرج فى الترك اثبت فشله مع الاغلبيه برغم انه المفروض ولكن طول ما السجاير معاك والشيطان موجود مفيش امان مع اول مشكله هترجع لنفس الكميه الى قللتها يبقى انوى دلوقتى هسيبها للابد من ردلوقتى حالا متقولش صعب وتذكر قول رسول الله (استعن بالله ولا تعجز)
الخمر مش كده؟ الصحابه كانوا بيشربوا الخمر واول مانزل تحريمها القوا بالخمر فى طرقات المدينه بقى فى المدينه انهار من الخمر بعد ما عرفوا انها حرام وان الذى حرمها حرم بيعها وثمنها خلاص رميت السجاير
وادعى وادعى ووالله هيستجيب
وتخيل الروعه الفلوس الى كنت بتصرفها عشان تعصى ربك بيها وتضيع صحتك دلوقتى بتتدفعها عشان تروح تزوره وتتغفر لك كل ذنوبك بس اعمل كده وأرى الله من نفسك خيرا بالله عليك مش كلمتين سمعتهم وخلاص ربنا هيسألك عنهم !! هتتسأل مستجايتش ليه؟ هتقول ايه؟ متزودش على نفسك سؤال !! استجب الان فالموت يأتى بغته وأبشرك ((إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا )) (70) الفرقان مبروك التوبه وتذكر التائب جبيب الرحمان ومبروك كل سيئاتك بقت حسنات الموضوع انتهى أسأل الله ان يجعله حجه لك يوم القيامه ولسان حالك يقول كما قال المؤمنون ((رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ)) سورة آل عمران اية( 193) ولا يجعله حجه عليك ولسان حالك يقول كما قال الكافرون واليهود ((خُذُوا مَا آتَيْنَاكُمْ بِقُوَّةٍ وَاسْمَعُوا ۖ قَالُوا سَمِعْنَا وَعَصَيْنَا ...)) اللهم أهدى المسلمين اللهم يسر لكل مسلم توبه ترضى بها عنه اللهم أعنهم ..اللهم ثبتهم امين امين امين -------------------------- منقول للفائده |
|
13 Oct 2012, 02:54 AM | #5 |
وسام الشرف - قروب ـ رياحين الإخاء جزاها الله خيرا
|
رد: وداعا ....لن تكونى صديقتى!!!( عاجل الى كل مدخن )
رااااااااااائع ..
ماشاء الله عليكِ .. جزاكِ الله كل خير في ميزان حسناتك يااااارب |
•
أريد أن أتوب .. ولكن .. !!
• هنيئا لك أخي المسلم هذه الثمرات ! • شرح الصدور .. بما لا ينفع الأموات بالقبور . |
13 Oct 2012, 03:15 AM | #6 |
جزاها الله تعالى خيرا
|
رد: وداعا ....لن تكونى صديقتى!!!( عاجل الى كل مدخن )
موضوع يؤثر في الحجر فكيف با البشر ؟ با نتظار المزيد وبنفس اللهجه الحلوه ..
|
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
احذري أيتها المسلمة أن تكوني من هؤلاء | فخوره بحجابى | منهج السلف الصالح . The Salafi Curriculum | 6 | 05 Jan 2013 12:59 AM |
خروج ليين من بطني | asrar alroh | تعطير الأنام في تأويل الرؤى والأحلام - تفسير ابن الورد الحسني | 1 | 03 Aug 2011 04:41 AM |
وداعا لالآآم الظهر **الابهر** | رضاك املى | طب الأعشاب . علمها وطبها وفوائدها Department of Herbal Medicine. Flag and Dobaa and benefits | 3 | 25 Aug 2010 07:41 PM |
وداعا للشيب مع اوراق الريحان .. | مكاوية | طب الأعشاب . علمها وطبها وفوائدها Department of Herbal Medicine. Flag and Dobaa and benefits | 4 | 18 Feb 2008 12:04 AM |