بيت جديد

رأيت ياشيخ انى رحت اشوف بيت جديد عشان نسكن فيه كانوا اصحاب البيت حرمة كبيره وبنتها ( مااعرفهم ولا اتذكر اشكالهم ) كنت اتكلم مع الحرمه انه نبغى البيت . كان نفسي في البيت وعاجبني مرة . فرحت لما قالت الحرمة ان بنتها بتطلع من البيت . بعدين اشوف كأنا سكنا فيه وتذكرت ان البيت مو مثل بيتي الاول من ناحية القرب من كل شي . تضايقت وشلت هم . واحدث نفسي ان بيتي الاول قريب من المسجد والسوبر ماركت وهذا بعيد عشر دقايق وشلت هم أولادي كيف يطلعون في الفجر يصلون ويمشون عشر دقايق تقريبا . حسيت اني ندمت ع البيت وافكر كيف ابطل منه واني بكلم زوجي يشوف حل اذا ممكن نبطل منه ونشوف بيت ثاني في نفس مكان بيتي الاول . كنت متشتته ومهمومه . من ناحيه عاجبني البيت ومن ناحيه انه على مرتفع وابعد بشوي من بيتي الاول .