غرفتي ساكنها جني!
 

السلام عليكم ورحمه الله وبركاته

انا راح احكي لكم القصه من البدايه الى الان.. بسم الله

كنت انا واختى التى تكبرني بـ3 سنوات كانت اختى غريبه شوي كانت تحب تشوف

حالها في المرايه كثير وكانت تحب تطفي نور الغرفه وتولع شمعه او ضوء خفيف

وتطلع في المرايه على ملامح وجهها بالساعات. وكنت كتير بحذرها من هالتصرفات

وكنت كمان بضيء كل الانوار لاني بخاف من خيالى .

المهم مرت الايام وتزوجت اختى وانا تزوجت ورحنا بيت ازواجنا وصارت الغرفه

فاضيه حتى اخواتي الصغار ما بيحبو ينامو فيها وكانت دائما ظلام كنت كل ما اجى بيت

اهلى زياره كانت امي واخواتي يحكولي انهم بيسمعو اصوات غريبه في الغرفه

وكنت ما اصدق هالكلام وكنت كل ما ادخل الغرفه احس انها مافيها اكسجين مكتومه

وافتحها وابخرها و اهويها . بعد كم اسبوع صارت ظروف وقرر زوجي يسافر عن

طريق العمل واصبح يسافر فترات طويله وانا طبعا ما بنفع اعيش لحالي في بيتي

خاصتان اني لسا ما رزقت باولاد . وقررت اروح بيت اهلى وارجع لغرفتي ولما جيت

لاحظت اشياء تشيب الراس . كنت اسمع اصوات غريبه مثلا اكياس بلاستيك تخرخش

واصوات اقدام ثقيله على الارض و خبط على الجدران وكنت لما ادخل الغرفه اشم

رائحه كبريت كأنك لسه مولعه علبه كبريت كامله. شغلت قران وسوره البقره

والله يا بنات كان المسجل ينطفى لحاله اسوي الراديو محطه القران يقلب القران

لمحطه الاغاني, لحد ما خرب وبطل يشتغل . المهم قررت ادخل الكمبيوتر تبعي في

الغرفه وياريتني ما حطيته صار الكمبيوتر يخررررف يطفي لحاله ويشتغل لحاله جبت

له مهندس صيانه تعرفو شوقالي قالي الجهاز مافيه شي ولا حتى فايرس واحد

والمشكله لما جاء الرجل الجهاز اشتغل وماكان فيه ولا شي !!!! كنت حنجن

وفي يوم جربت اكلم الجن وياااريت ما كنت سويت كنت لحالي في الغرفه وقلت بصوت

عالي شوي ( لو انت فعلا جنى وموجود ومابدك اعيش في الغرفه اقطع الكهرباء

عن البيت وانا اطلع من الغرفه واشيل اشيائي معى ) تعرفو شو الي صار والله والله

العظيم بعد دقيقه او اقل الكهرباء انقطعت مو من البيت بس لا وعند الجيران كمان في

العماره كلها والله انرعبت وجريت حكيت لامي وقالتلي لا تحكي معه ممكن يمسك

وياذيكي و من بعدها قلت ماراح اشيل اشيائي من الغرفه <<عنيده وقررت اني اجلس فيها من الصبح

لين المغرب وفي هاي الفتره والله اني احس انه في احد جنبي بيراقب الي بسويه. هذا

غير الخيالات الي بشوفها بس بطنش شو اعمل يعني. وبعد المغرب بروح انام في

غرفه امي وما اقرب الغرفه غير في الصبح...انا اختصرت اشياء كثيره صارت معي بس عشان ما اطول عليكم اكثر من هيك .

فيابنات الي تعرف شي اسويه عشان الجنى يبعد عن الغرفه ما تبخل علي انا صحيح

صرت ما اخاف مثل اول بس لسا بخاف يعني لو صار شي قوي اررررووووح فيها ...
واسفه جدا لاني طولت عليكم.



(نقلتها من صاحبه القصة للفائدة):88:

رد: غرفتي ساكنها جني!