فسرلي ياشيخ جزاك الله خير الجزاء

[hide]ياشيخ أختي الغير شقيقة جامعية وعمرها 20 سنه غير موظفه غير متزوجة حالتها الدنيه متوسطه دايما على تحصين وأنا في بيت مع أمي وهما في بيت مع أبويا
وقت الرؤيا صباحا
أنا عمري 25 كنت موظفة ودحين جامعية غير متزوجة حالتي الدينيه متوسطة
قريبنا اللي تزوجني في المنام غير متزوج وعمره 29 سنه موظف بيني وبينه حب قديم والحين صار مشاكل وانصدمت فيه بس مافي شي متجاوز الحدود أبدا ولا اتصالات غير مرات معدودة لسبب من 5شهور
وأختي الكبيره شقيقتي اللي في آخر المنام متزوجه وعندها 3أولاد و3بنات غير موظفة
رأت منام عني ومانعرف هل هي رؤيا أو أحاديث نفس خصوصا الأخير منها لكن الغريب ياشيخنا إنها ماقد شافت قريبنا في المنام شافته بصورته هو نفسه وهي ماقد شافته قبل في حياتها ولمن شافت صورته في الفيس بوك قالت هو نفسه في منامها
رأت في المنام إنها شايلة كرت دعوة لزواج سألت أمها مين العروس قالت أختك..... (اللي هي أنا) تطالع في التاريخ حق الزواج لاقته 18_3 و سألت أمها مين العريس قالت ماتعرف واستغربت إني انخطبت و ماقلتلهم ولمن جيتهم سألتني مين العريس قلتلها فلان (قريبنا) بس كأني غير مبالية (معني دايما كنت أدعي ربي يجعله نصيبي) ثم رأت إنهم يتجهزو للعرس و تجي هي متأخرة من كليتها و تلاقي الأهل كلهم سووا شعرهم قالت ليش رحتو الكوافير و ما استنيتوني فوحدة من العيلة ماتعرفها قالتلها أنا عندي مشغل بوديكي يسوولك شعرك وأعطتها شنطة
وبعد الزواج بكم شهر في بيتهم وأنا وأمي في المجلس فإذا أمي جالسة مع أمها (مرت أبوي) و تقول إنو زوج ..... (أنا) شويه زعلان مني يبغاني أنحف و يبغاني أكمل دراسه بس أنا معد أبغى أدرس و تشوفو أختي وهيا ورا باب المجلس وأنا معاه لابسة تنورة سوداء و بلوزة سوداء وعليها جاكيت أحمر غامق و شعري قصير وفاتحته (وأنا في الأصل شعري طويل) وهو يجادل باهتمام و يقولي أبغى يكون عندك شهادة
ثم رأت إنها مع أبويا وأخوانها الأشقاء في مطعم وأبويا وأختي الكبيرة اللي ماهي شقيقتهم (شقيقتي) يتكلمو و هي تطالع في صحون الأكل و مستغربة ليش الصحون كلها سلطات ليش ما في صنف أساسي وفيه صحن وحيد واحد فيه حلاوة طحينية

ياشيخ هل هاذي رؤيا أو أحاديث نفس؟ ولو هي رؤيا ماتفسيرها جزاكم الله خيرا ورزقكم سعادة الدارين يارب[/hide]