|
#1
26 Jun 2015, 02:53 PM
|
|||||||||
|
|||||||||
|
رؤياي2..
مبارك عليكم الشهر الله يجعلنا من صوامه وقوامه .. أرجو تفسير رؤياي جزيتم الفردوس الاعلى من الجنة .. رأيت منذ فتره كأننا أنا وأهلي مخيمين في البر كم يوم ، بس ماكنا في خيمه لا في غرفة صغيره مبينيه من الشينكو مؤقته يعني بعد التخييم بتنشال مفروشه وفيها جلسات بسيطه ، وحوالينا أصوات الناس ودبابات الايجار مره المنطقه مليانه ناس كأننا في منتزه مو في بر .. المهم ع اخر يوم كأننا خلاص بنرجع لبيتنا وكأننا كنا مستعجلين نبغى نشيل اغراضنا ونرجع لبيتنا ، راحوا ابوي واخواني والكل بالجمس ، بقيت انا وامي واحد اخواني الصغار علشان يرجعنا ما اذكر من هو ، بقينا انا وامي لكي نشيل باقي الأغراض ونتأكد اننا ما نسينا شي ، واحنا نشتغل ما ادري سمعنا او توقعنا مدري على أي أساس .. المهم ان طليقي واهله بيجونا فقمنا نستعجل ونسرع في ترتيب الأغراض نبي نمشي ونحرك بسرعه قبل مايجون ،، كأننا نبي نهرب منهم !. الا فجأه مادرينا الا هم واصلينا وواضح انهم كانوا يراقبونا و يبون يلحقون علينا ، اضطرت امي تستقبلهم كان طليقي وأمه فقط ورجل ما اعرفه ، قلت في نفشي من هالرجل الغريب اللي ما تغطت عنه خالتي حتى مو من اخوانها ! معقوله تكون انفصلت من عمي وتزوجت هالشخص ! والله كل شي وارد ! مع اننا كنا كلنا جالسين متحجبات حتى انا وامي مو متغطيات الا تقدم هذا الرجل وقرب قدامه المركا (التكايه ) صارت مثل الطاوله قدامه وخلفه على اليمين واليسار طليقي وامه ، وانا وامي كنا جالسين امامهم ، المهم وضع علي التاكيه ورقه كبيره مو صغيره كأنه حاكم او قاضي مع ان لبسه جدا عادي ثوب وشماغ فقط ، وكأنه يبي يحكم بينا او يحل مشكله بس كان واضح انه يبي يخاطب امي بالتحديد علشان كذا كانوا يراقبونا وانتظروا لما يروح ابوي واخواني وأتوا ، ونطالع انا وامي بتعجب من هالرجل ووش يبغى ؟ قلت من هذا : قالوا كأنهم معتزين فيه هذا فلان بن فلان شييييخ قبيلتنا ، ضحكت انا بسخريه واستهتار قلت في نفسي الله جايبين شيخ قبيلتكم ! طالعني طليقي وعطاني نظره اللي تضايق مني وعصب على ردة فعلي وسخريتي (كأنه يقول في نفسه احر ماعندي وابرد ماعندك ) وانا فعلا ماكان هامني ومدري أساسا وش الموضوع! بدأ هذا الرجل يتكلم مع امي ، شوي الا مالقيت ولدي قلت يمممه وين ولدي قمت اركض وطلعت لبرا الغرفه ادوره في البر حولنا (كنت لابسه جلابيه ولافه راسي بشال مو متغطيه كأني وحده بدويه من البدو اللي عايشين ومستقرين في البر) وكنت كستغربه في نفسي من ردة فعل طليقي انه ماخاف على ولده او قام يدوره معي .. يوم طلعت الا كأني اشوفه رايح يلعب وقعدت اصوت وانادي له يجي .. امي تعبانه نفسيتها وتعاني من ضغط الدم والالام في ركبتيها طليقي متزوج من سنه تقريبا ورزق بولد انا مطلقه من سنتين وموظفه قطاع خاص ، ولدي عمره 3 سنوات و8 شهور تقريبا والله يعطينا خير هالرؤيا وخير مافيها والله يصرف عنا شرها وشر مافيها .. والله يسعدك ويوفقك ويجعلنا واياكم من المقبولين في هذا الشهر الكريم .
|
|
04 Jul 2015, 05:22 PM
|
#2 | |
|
الحسني
 
|
رد: رؤياي2..
وعليكم السلام ورحمة الله وبركاته
ورمضان مبارك عليكم أختي الفاضلة الكريمة يدل مجمل الحلم على أن هناك شخصية بارزة عزيزة على طليقك ينصحه بإرجاعك له . ونشكر لكم دعائكم ولكم مثله ومن أعزكم ومن تعزون والله تعالى أعلى وآعلى |
|
|
 |
| مواقع النشر (المفضلة) |
|
|
العرض العادي
