|
#1
12 Apr 2013, 10:36 PM
|
|||||||||
|
|||||||||
|
قاعة إختبار ..
السلام عليكم ورحمة الله وبركاته
أرجو تفسير حلمي جزاك الله خيرا .. حلمت يوم السبت اللي راح كأني في قاعة اختبار كبييييره وجميله ارضيتها باركيه ومزينه بأحواض شجر كأن كان علي اختبار تفسير وأنا كنت مذاكره المادة في الاسبوع اللي قبل الاختبارات بس ماراجعت ليلة الاختبار المهم وأنا في القاعه تذكرت أني مارجعت وقلت يوه وشلون أنا ماراجعت وفتحت كتاب كأنه كتابي بس مافيه ولا خط في الكتاب كأنه جديد استغربت اني بالعاده وانا اذاكر احط خط ع المهم بالفسفسوري علشان لين جيت اراجع الحين وش براجع وش بأقرأ ووش بأخلي يالله ولافيه وقت التفت ع اللي جنبي وكأنها وحدة من صديقاتي أيام الثانوي قلت لها معليش اراجع معاك في كتابك قالت اوكي ما امداني وأنا أراجع معها الا قالوا يالله كل وحده مكانها بيبدأ الاختبار قامت البنت وراحت حتي مكانها كان بعيد عني الا تذكرت قلت يوه نسيت اراجع سورة الأعلى هي الاهم المفروض اني راجعتها قبل اكيد بتجي في الاختبار وقاعده احاول ابغى اتذكرها واسمعها بيني وبين نفسي الا لقيت نفسي قاعدة أسمع سورة الكهف (مع أني في الواقع العكس حافظه سورة الأعلى ومو حافظة الكهف ) المهم يوم سمعتها قلت لا هذي الكهف خلاص اكيد انا الحين متوتره ما ابغى اوشوش نفسي زيادة لين وزعوا الاوراق وجيت بأحل ان شاء الله باتذكرها واذا ما تذكرتها بأكتب سورة الكهف ان شاء الله بيتغاظون وبيمشونها لو يحطون نصف الدرجه وفجأة لقيت نفسي بملاهي ومعي بنت خالتي الصغيره بنتها اللي نفس عمري اكبر مني بساعه وكانت اقرب وحده لي (متزوجه بعدي بيومين وعندا ولد عمره سنة و10 شهور ) المهم كنت انا وياها نمشي في الملاهي الا شفنا ام زوج فاطمة بنت خالتي نوره خالتي الكبيره (فاطمه هذي عمرها 35 وعندها 4 بنات وولد ) شفنا ام زوجها ومعها امها جالسه وراها وبنتها منيره وحده من بناتها الكبار جالسه جنبها كانوا جالسين ع فرشه ع الثيل الاخضر ولما شافونا انا وبنت خالتي نادونا وجلسنا معهم سكبوا لنا شوربة شوفان في كآسات زجاج مو اواني ! وكنا ناكلها بملاعق اشوف بنت خالتي ماشربت الا نص الكأس طالعتها قلت في نفسي لا المفروض من التقدير اكمله وشربت وبقيت فيه بس ربعه .. فجأة لقيت نفسي بلحالي بدون بنت خالتي اللي كانت معي في بيت هذي ام زوج بنت خالتي نورة كان البيت أكبر من بيتهم الحقيقي كنت كأني واقفه في ممر في النص كأن تحتي درج يوصل لتحت ودرج يوصل لفوق وفي اخر هذا الممر كان فيه في الزاوية طاوله تلفزيون وكان فيه عيالهم الصغار يلعبون بلايستيشن استغربت انهم جالسين هنا احس هذا ممر ما ينجلس فيه وانا اطالعهم الا اشوف بنت منيرة اللي هي بنت صاحبة البيت (ام زوج بنت خالتي ) اسم البنت عهود كان واقفه ع الدرج اللي يوصل لفوق وكان الدرج اللي يوصل لفوق ثلاث اقسام اللي ع اليمين واللي ع اليسارمساحته سخيفه اما اللي في الوسط كانت مرررررره عرييييضه واسعه وبين كل قسم درج والثاني دربزين فاصل بيناتهم , المهم البنت كانت واقفه ع الدرج الايمن وقالت لي تعالي الحقيني جيت بألحقها قالت لا تعالي من الدرج اللي بالوسط الواسع رقيت معه ارقي عادي يوم جيت بأوصل لاحظت انه مسدود بدربزاين بينما الدرج الايمن والايسر كان مفتوح ع فوق عادي ! المهم يوم جيت بأوصل شفت آخر الدرج كأنها زحليقا ورقيق كأنه ورق فبيراينو ابغي ارقي عليه واحسه ينضغط كأنه بينكسر خفت ينكسر واطيح ع تحت وطالعت ورا ابغي ارجع لقيت الدرج اللي انا رقيته تو صار نفس الشي زحليقا وزحليقا طووويله تخوف ما اقدر اترك نفسي اتزحلق مرررره خفت مو عارفه وش اسوي لا اقدر ارجع ورا وقدام احس الارضيه رقيقه كانها بتنكسر وبأطيح وحتي الطريق مسدود بدربزاين المهم وانا متعلقه وخايفه شوي واصيح اصارخ طالعوني الاطفال اللي كانوا يلعبون في الممر وقالوا ارقي يالله ارقي عادي عادي والبنت كانت سابقتني وتطالعني كأنها مستغربه من اللي قاعد يصير ضغطت ع نفسي وباقوي واسرع ماعندي حطيت رجلي ع هالزحليقه وبسرعه قفزت تعلقت بالدرابزين اللي كان مسكر علي الطريق والخوف زاد لاني متعلقه مو متمسكه تمام خايفه اطيح اكيد بأتكسر ويمكن اموت وبصعوووووبه شديدة قدرت ارفع نفسي ع الدربزين واقفز للجهة الثانية ... عمري 24 سنه متخرجه متزوجه من لي 3 سنوات الا شهرين عندي ولد عمره سنه ونصف حاليا موجودة عندي أهلي لي تقريبا 3 شهور بسبب مشكله ما اعرف وش سببها زوجي كان بيجي ياخذني وفجأة ماجا ولاعاد رد على اتصالاتي ! والله يوفقك ويسعدك ويجزاك كل خير
|
|
25 Apr 2013, 10:12 PM
|
#2 | |
|
الحسني
 
|
رد: قاعة إختبار ..
أختي الفاضلة الكريمة
يدل مجمل الحلم على أن هناك من هو مهتم بمشكلتك من النساء ولكن ليس في يدهم شيء وأنت تفكرين في فرضيات كثيرة لمشكلتك ولست عارفة سبب المشكلة ندعو الله تعالى أن يفرج كربتك ويحل مشكلتك عن قريب والله تعالى أعلى وأعلم |
|
|
 |
| مواقع النشر (المفضلة) |
|
|
العرض العادي
