#1
|
||||||||
|
||||||||
مكة المكرمة..
السلام عليكم ورحمة الله وبركاته أرجو أن تكونوا في تمام الصحة والعافيه وارجو تفسير رؤياي جزيتم الفردوس الأعلى.. رأيت كأننا كنا انا واهلي في مكة المكرمة واحنا نتمشى بالسياره الا نشوف قدامنا بعد مسافه الزحمه ودوريات كأنهم مغطين ومسكرين على منطقة عمل وبناء يغطيها شراع مشينا على طريقنا وكانوا امي وابوي يتناقشون شوي الا يوم قربنا من المنطقه صدفة حركت الدوريه وشالوا الشراع وطلعت مباني كثييييره مرصوصه توها مبنيه شكلها نفس شكل البيوت الحجازيه القديمه بس انها جديده وجنبها كان في جزء ممن الجبل ، اكتشفنا ان هذا منطقه الإسكان العقاري اللي من الحكومه قال ابوي ومدي مين من اخواني اثر هذي تبع الإسكان قالت امي متحمسه كعادتها ونخوتها ايه الله يطول بعمر عيال عبد العزيز (تقصد الملك عبد العزيز الله يرحمه ) وبدوا يتناقشون على هالمموضوع والمباني .. فجأة كأننا في شقه كأنها شقتنا (ما اذكر هل احنا رايحين لمكة زياره والا مستقرين هناك ) المهم الا واحنا في المطبخ كأن امي جالسه على الأرض ما اذكر وش كان معها وقدامها ابوي وانا كنت جالسه علي احد دروج المطبخ اللي جنب حوض الغسيل الا شوي اشوف جنب الحوض أسماك كثيييييييييره نفس النوع والحجم طازج و مموزع في صينية علشان ينشف ووقفت على الدرج واشوف فوق دروج وارفف المطبخ اللي فوق نفس الشي ونفس هالاسماك كثيره بس كانت في أكياس تقريبا كل ثنتين مع بعض في كيس مصفوفه على الرف ، (حللت ان اللي كانت مصفوفه جنب حوض الغسيل توها طازجه فينتظرونها كذا لين تجف وتغلف مثل الباقي ) قلت لامي وابوي كيف أهل مكه يحبون يسون هالطريقه يخلونها برا لا في ثلاجه ولافي فريزر ماراح تتعفن!!! ضحكوا علي قالوا ياماما هذا سمك الثوم كذا طريقته ومايخرب ، الا وانا اطالع ابوي شفته ماسك في حظنه ارنب وجالسه يلاعبه مده لي الا اشوفه بيبي طفل في المهد يجنن رافعه لي ابوي وانا كنت منزله راسي عليه لاني كنت فوق على درج المطبخ و مرره كان يهبل اعطيته بوسه على فمه وكان مليان سعابيل بس ما انتبهت قلت ييي وش هالسعابيل وقمت امسح فمي بكم بلوزتي . مطلقه من سنتين ونصف موظفه عمري 27 سنه عندي ولد عمره 4 سنوات ونص والله يعطينا خير هالرؤيا وخير مافيها والله يصرف عنا شرها وشر مافيها.. والله يوفقكم ويسهل أموركم..
|
26 Mar 2016, 11:19 PM | #2 |
الحسني
|
رد: مكة المكرمة..
وعليكم السلام ورحمة الله وبركاته
أختي الفاضلة الكريمة يدل مجمل الحلم على عدة أمور منها العمائر وهذا يدل على رغبتكم بشراء أرض أو عمارة وعلى السمك وهو يدل على رزق وخير كثير من الله تعالى وتدخرونه . والأرنب قد يدل على موضوع زواج جديد لك . والله تعالى أعلى وأعلم ونشكر لكم حسن دعائكم لنا ولكم مثله بارك الله تعالى فيكم |
|
مواقع النشر (المفضلة) |
|
|